PDA

توجه ! این یک نسخه آرشیو شده میباشد و در این حالت شما عکسی را مشاهده نمیکنید برای مشاهده کامل متن و عکسها بر روی لینک مقابل کلیک کنید : آذری شعرلری


bb
02-17-2008, 10:59
سویرم سنی , دیوانا کیمین
اودلان یانما , پروانا کیمین
قراریم وطن , ویقاریم وطن
سوگلیم وطن , نیگاریم وطن
سوگلیم وطن , نیگاریم وطن , بیتانم

اوزوم کیمین سوریم سنی من
گوزوم کیمین سوریم سنی من
بو جان سنین بیر وطنین وطن بیتانم
اوزوم کیمین سوریم سنی من
گوزوم کیمین سوریم سنی من
بو جان سنین بیر وطنین وطن بیتانم

گوزلریم کیمین سویرم سنی
اوز قوجاقندا بتدین بنی
ایرلا بیلمم سن کیمی اوردان
سن سیز یاشامام اولرم اینان
ایرلا بیلمم سن کیمی اوردان
سن سیز یاشامام اولرم اینان
سن سیز یاشامام اولرم اینان بیتانم

اوزوم کیمین سوریم سنی من
گوزوم کیمین سوریم سنی من
بو جان سنین بیر وطنین وطن بیتانم
اوزوم کیمین سوریم سنی من
گوزوم کیمین سوریم سنی من
بو جان سنین بیر وطنین وطن سنی من

"""""""""""""""""""""""""""""""""
حيدربابا ، ايلديريملار شاخاندا
سئللر ، سولار ، شاققيلدييوب آخاندا
قيزلار اوْنا صف باغلييوب باخاندا
سلام اولسون شوْکتوْزه ، ائلوْزه !
منيم دا بير آديم گلسين ديلوْزه

(٢)
حيدربابا ، کهليک لروْن اوچاندا
کوْل ديبينَّن دوْشان قالخوب ، قاچاندا
باخچالارون چيچکلنوْب ، آچاندا
بيزدن ده بير موْمکوْن اوْلسا ياد ائله
آچيلميان اوْرکلرى شاد ائله

(٣)
بايرام يئلى چارداخلارى ييخاندا
نوْروز گوْلى ، قارچيچکى ، چيخاندا
آغ بولوتلار کؤينکلرين سيخاندا
بيزدن ده بير ياد ائلييه ن ساغ اوْلسون
دردلريميز قوْى ديّکلسين ، داغ اوْلسون

(٤)
حيدربابا ، گوْن دالووى داغلاسين !
اوْزوْن گوْلسوْن ، بولاخلارون آغلاسين !
اوشاخلارون بير دسته گوْل باغلاسين !
يئل گلنده ، وئر گتيرسين بويانا
بلکه منيم ياتميش بختيم اوْيانا

(٥)
حيدربابا ،‌ سنوْن اوْزوْن آغ اوْلسون !
دؤرت بير يانون بولاغ اوْلسون باغ اوْلسون !
بيزدن سوْرا سنوْن باشون ساغ اوْلسون !
دوْنيا قضوْ-قدر ، اؤلوْم-ايتيمدى
دوْنيا بوْيى اوْغولسوزدى ، يئتيمدى

(٦)
حيدربابا ، يوْلوم سنَّن کج اوْلدى
عؤمروْم کئچدى ، گلممه ديم ، گئج اوْلدى
هئچ بيلمه ديم گؤزللروْن نئج اوْلدى
بيلمزيديم دؤنگه لر وار ،‌ دؤنوْم وار
ايتگين ليک وار ، آيريليق وار ، اوْلوْم وار

(٧)
حيدربابا ، ايگيت اَمَک ايتيرمز
عؤموْر کئچر ، افسوس بَرَه بيتيرمز
نامرد اوْلان عؤمرى باشا يئتيرمز
بيزد ، واللاه ، اونوتماريق سيزلرى
گؤرنمسک حلال ائدوْن بيزلرى

(٨)
حيدربابا ، ميراژدر سَسلننده
کَند ايچينه سسدن - کوْيدن دوْشنده
عاشيق رستم سازين ديللنديرنده
يادوندادى نه هؤلَسَک قاچارديم
قوشلار تکين قاناد آچيب اوچارديم

(٩)
شنگيل آوا يوردى ، عاشيق آلماسى
گاهدان گئدوب ، اوْردا قوْناق قالماسى
داش آتماسى ، آلما ،‌ هيوا سالماسى
قاليب شيرين يوخى کيمين ياديمدا
اثر قويوب روحومدا ، هر زاديمدا

(١٠)
حيدربابا ، قورى گؤلوْن قازلارى
گديکلرين سازاخ چالان سازلارى
کَت کؤشنين پاييزلارى ، يازلارى
بير سينما پرده سى دير گؤزوْمده
تک اوْتوروب ، سئير ائده رم اؤزوْمده

(١١)
حيدربابا ،‌ قره چمن جاداسى
چْووشلارين گَلَر سسى ، صداسى
کربليا گئدنلرين قاداسى
دوْشسون بو آج يوْلسوزلارين گؤزوْنه
تمدّونون اويدوخ يالان سؤزوْنه

(١٢)
حيدربابا ، شيطان بيزى آزديريب
محبتى اوْرکلردن قازديريب
قره گوْنوْن سرنوشتين يازديريب
ساليب خلقى بير-بيرينن جانينا
باريشيغى بلشديريب قانينا

(١٣)
گؤز ياشينا باخان اوْلسا ، قان آخماز
انسان اوْلان بئلينه تاخماز
آمما حئييف کوْر توتدوغون بوراخماز
بهشتيميز جهنّم اوْلماقدادير !
ذى حجّه ميز محرّم اوْلماقدادير !

(١٤)
خزان يئلى يارپاخلارى تؤکنده
بولوت داغدان يئنيب ، کنده چؤکنده
شيخ الاسلام گؤزل سسين چکنده
نيسگيللى سؤز اوْرکلره دَيَردى
آغاشلار دا آللاها باش اَيَردى

(١٥)
داشلى بولاخ داش-قومونان دوْلماسين !
باخچالارى سارالماسين ، سوْلماسين !
اوْردان کئچن آتلى سوسوز اولماسين !
دينه : بولاخ ، خيرون اوْلسون آخارسان
افقلره خُمار-خُمار باخارسان

(١٦)
حيدر بابا ، داغين ، داشين ، سره سى
کهليک اوْخور ، داليسيندا فره سى
قوزولارين آغى ، بوْزى ، قره سى
بير گئديديم داغ-دره لر اوزونى
اوْخويئديم‌ : « چوْبان ، قيتر قوزونى »

(١٧)
حيدر بابا ، سولى يئرين دوْزوْنده
بولاخ قئنير چاى چمنين گؤزونده
بولاغ اوْتى اوْزَر سويون اوْزوْنده
گؤزل قوشلار اوْردان گليب ، گئچللر
خلوتليوْب ، بولاخدان سو ايچللر

(١٨)
بىچين اوْستى ، سونبول بيچن اوْراخلار
ايله بيل کى ، زوْلفى دارار داراخلار
شکارچيلار بيلديرچينى سوْراخلار
بيچين چيلر آيرانلارين ايچللر
بيرهوشلانيب ، سوْننان دوروب ، بيچللر

(١٩)
حيدربابا ، کندين گوْنى باتاندا
اوشاقلارون شامين ئييوب ، ياتاندا
آى بولوتدان چيخوب ، قاش-گؤز آتاندا
بيزدن ده بير سن اوْنلارا قصّه ده
قصّه ميزده چوخلى غم و غصّه ده

(٢٠)
قارى ننه گئجه ناغيل دييَنده
کوْلک قالخيب ، قاپ-باجانى دؤيَنده
قورد گئچينين شنگوْلوْسون يينده
من قاييديب ، بيرده اوشاق اوْلئيديم
بير گوْل آچيب ، اوْندان سوْرا سوْلئيديم

(٢١)
عمّه جانين بال بلله سين ييه رديم
سوْننان دوروب ، اوْس دوْنومى گييه رديم
باخچالاردا تيرينگَنى دييه رديم
آى اؤزومى اوْ ازديرن گوْنلريم !
آغاج مينيپ ، آت گزديرن گوْنلريم !

(٢٢)
هَچى خالا چايدا پالتار يوواردى
مَمَد صادق داملارينى سوواردى
هئچ بيلمزديک داغدى ، داشدى ، دوواردى
هريان گلدى شيلاغ آتيب ، آشارديق
آللاه ، نه خوْش غمسيز-غمسيز ياشارديق

(٢٣)
شيخ الاسلام مُناجاتى دييه ردى
مَشَدرحيم لبّاده نى گييه ردى
مشْدآجلى بوْز باشلارى ييه ردى
بيز خوْشودوق خيرات اوْلسون ، توْى اوْلسون
فرق ائلَمَز ، هر نوْلاجاق ، قوْى اولسون

(٢٤)
ملک نياز ورنديلين سالاردى
آتين چاپوپ قئيقاجيدان چالاردى
قيرقى تکين گديک باشين آلاردى
دوْلائيا قيزلار آچيپ پنجره
پنجره لرده نه گؤزل منظره !

(٢٥)
حيدربابا ، کندين توْيون توتاندا
قيز-گلينلر ، حنا-پيلته ساتاندا
بيگ گلينه دامنان آلما آتاندا
منيم ده اوْ قيزلاروندا گؤزوم وار
عاشيقلارين سازلاريندا سؤزوم وار

(٢٦)
حيدربابا ، بولاخلارين يارپيزى
بوْستانلارين گوْل بَسَرى ، قارپيزى
چرچيلرين آغ ناباتى ، ساققيزى
ايندى ده وار داماغيمدا ، داد وئرر
ايتگين گئدن گوْنلريمدن ياد وئرر

(٢٧)
بايراميدى ، گئجه قوشى اوخوردى
آداخلى قيز ، بيگ جوْرابى توْخوردى
هرکس شالين بير باجادان سوْخوردى
آى نه گؤزل قايدادى شال ساللاماق !
بيگ شالينا بايرامليغين باغلاماق !

(٢٨)
شال ايسته ديم منده ائوده آغلاديم
بير شال آليب ، تئز بئليمه باغلاديم
غلام گيله قاشديم ، شالى ساللاديم
فاطمه خالا منه جوراب باغلادى
خان ننه مى يادا ساليب ، آغلادى

(٢٩)
حيدربابا ، ميرزَممدين باخچاسى
باخچالارين تورشا-شيرين آلچاسى
گلينلرين دوْزمه لرى ، طاخچاسى
هى دوْزوْلر گؤزلريمين رفينده
خيمه وورار خاطره لر صفينده

(٣٠)
بايرام اوْلوب ، قيزيل پالچيق اَزَللر
ناققيش ووروب ، اوتاقلارى بَزَللر
طاخچالارا دوْزمه لرى دوْزللر
قيز-گلينين فندقچاسى ، حناسى
هَوَسله نر آناسى ، قايناناسى

(٣١)
باکى چى نين سؤزى ، سوْوى ، کاغيذى
اينکلرين بولاماسى ، آغوزى
چرشنبه نين گيردکانى ، مويزى
قيزلار دييه ر : « آتيل ماتيل چرشنبه
آينا تکين بختيم آچيل چرشنبه »

(٣٢)
يومورتانى گؤيچک ، گوللى بوْيارديق
چاققيشديريب ، سينانلارين سوْيارديق
اوْيناماقدان بيرجه مگر دوْيارديق ؟
على منه ياشيل آشيق وئرردى
ارضا منه نوروزگوْلى درردى

(٣٣)
نوْروز على خرمنده وَل سوْرردى
گاهدان يئنوب ، کوْلشلرى کوْرردى
داغدان دا بير چوْبان ايتى هوْرردى
اوندا ، گؤردن ، اولاخ اياخ ساخلادى
داغا باخيب ، قولاخلارين شاخلادى

(٣٤)
آخشام باشى ناخيرينان گلنده
قوْدوخلارى چکيب ، ووراديق بنده
ناخير گئچيب ، گئديب ، يئتنده کنده
حيوانلارى چيلپاق مينيب ، قوْوارديق
سؤز چيخسايدى ، سينه گريب ، سوْوارديق

(٣٥)
ياز گئجه سى چايدا سولار شاريلدار
داش-قَيه لر سئلده آشيب خاريلدار
قارانليقدا قوردون گؤزى پاريلدار
ايتر ، گؤردوْن ، قوردى سئچيب ، اولاشدى
قورددا ، گؤردوْن ، قالخيب ، گديکدن آشدى

(٣٦)
قيش گئجه سى طؤله لرين اوْتاغى
کتليلرين اوْتوراغى ، ياتاغى
بوخاريدا يانار اوْتون ياناغى
شبچره سى ، گيردکانى ، ايده سى
کنده باسار گوْلوْب - دانيشماق سسى

(٣٧)
شجاع خال اوْغلونون باکى سوْقتى
دامدا قوران سماوارى ، صحبتى
ياديمدادى شسلى قدى ، قامتى
جؤنممه گين توْيى دؤندى ، ياس اوْلدى
ننه قيزين بخت آيناسى کاس اوْلدى

(٣٨)
حيدربابا ، ننه قيزين گؤزلرى
رخشنده نين شيرين-شيرين سؤزلرى
ترکى دئديم اوْخوسونلار اؤزلرى
بيلسينلر کى ، آدام گئدر ، آد قالار
ياخشى-پيسدن آغيزدا بير داد قالار

(٣٩)
ياز قاباغى گوْن گوْنئيى دؤيَنده
کند اوشاغى قار گوْلله سين سؤيَنده
کوْرکچى لر داغدا کوْرک زوْيَنده
منيم روحوم ، ايله بيلوْن اوْردادور
کهليک کيمين باتيب ، قاليب ، قاردادور

(٤٠)
قارى ننه اوزاداندا ايشينى
گوْن بولوتدا اَييرردى تشينى
قورد قوْجاليب ، چکديرنده ديشينى
سوْرى قالخيب ، دوْلائيدان آشاردى
بايدالارين سوْتى آشيب ، داشاردى

(٤١)
خجّه سلطان عمّه ديشين قيساردى
ملا باقر عم اوغلى تئز ميساردى
تندير يانيب ، توْسسى ائوى باساردى
چايدانيميز ارسين اوْسته قايناردى
قوْورقاميز ساج ايچينده اوْيناردى

(٤٢)
بوْستان پوْزوب ، گتيررديک آشاغى
دوْلدوريرديق ائوده تاختا-طاباغى
تنديرلرده پيشيررديک قاباغى
اؤزوْن ئييوْب ، توخوملارين چيتدارديق
چوْخ يئمکدن ، لاپ آز قالا چاتدارديق

(٤٣)
ورزغان نان آرموت ساتان گلنده
اوشاقلارين سسى دوْشردى کنده
بيزده بوياننان ائشيديب ، بيلنده
شيللاق آتيب ، بير قيشقريق سالارديق
بوغدا وئريب ، آرموتلاردان آلارديق

(٤٤)
ميرزاتاغى نان گئجه گئتديک چايا
من باخيرام سئلده بوْغولموش آيا
بيردن ايشيق دوْشدى اوْتاى باخچايا
اى واى دئديک قورددى ، قئيتديک قاشديق
هئچ بيلمه ديک نه وقت کوْللوکدن آشديق

(٤٥)
حيدربابا ، آغاجلارون اوجالدى
آمما حئييف ، جوانلارون قوْجالدى
توْخليلارون آريخلييب ، آجالدى
کؤلگه دؤندى ، گوْن باتدى ، قاش قَرَلدى
قوردون گؤزى قارانليقدا بَرَلدى

(٤٦)
ائشيتميشم يانير آللاه چيراغى
داير اوْلوب مسجديزوْن بولاغى
راحت اوْلوب کندين ائوى ، اوشاغى
منصورخانين الي-قوْلى وار اوْلسون
هاردا قالسا ، آللاه اوْنا يار اوْلسون

(٤٧)
حيدربابا ، ملا ابراهيم وار ، يا يوْخ ؟
مکتب آچار ، اوْخور اوشاقلار ، يا يوْخ ؟
خرمن اوْستى مکتبى باغلار ،‌ يا يوْخ ؟
مندن آخوندا يتيررسن سلام
ادبلى بير سلامِ مالاکلام

(٤٨)
خجّه سلطان عمّه گئديب تبريزه
آمما ، نه تبريز ، کى گلممير بيزه
بالام ، دورون قوْياخ گئداخ ائمميزه
آقا اؤلدى ، تو فاقيميز داغيلدى
قوْيون اوْلان ، ياد گئدوْبَن ساغيلدى

(٤٩)
حيدربابا ، دوْنيا يالان دوْنيادى
سليماننان ، نوحدان قالان دوْنيادى
اوغول دوْغان ، درده سالان دوْنيادى
هر کيمسَيه هر نه وئريب ، آليبدى
افلاطوننان بير قورى آد قاليبدى

(٥٠)
حيدربابا ، يار و يولداش دؤندوْلر
بير-بير منى چؤلده قوْيوب ، چؤندوْلر
چشمه لريم ، چيراخلاريم ، سؤندوْلر
يامان يئرده گؤن دؤندى ، آخشام اوْلدى
دوْنيا منه خرابه شام اوْلدى

(٥١)
عم اوْغلينان گئدن گئجه قيپچاغا
آى کى چيخدى ، آتلار گلدى اوْيناغا
ديرماشيرديق ، داغلان آشيرديق داغا
مش ممى خان گؤى آتينى اوْيناتدى
تفنگينى آشيردى ، شاققيلداتدى

(٥٢)
حيدربابا ، قره کوْلون دره سى
خشگنابين يوْلى ، بندى ، بره سى
اوْردا دوْشَر چيل کهليگين فره سى
اوْردان گئچر يوردوموزون اؤزوْنه
بيزده گئچک يوردوموزون سؤزوْنه

(٥٣)
خشگنابى يامان گوْنه کيم ساليب ؟
سيدلردن کيم قيريليب ، کيم قاليب ؟
آميرغفار دام-داشينى کيم آليب ؟
بولاخ گنه گليب ، گؤلى دوْلدورور ؟
ياقورويوب ، باخچالارى سوْلدورور ؟

(٥٤)
آمير غفار سيدلرين تاجييدى
شاهلار شکار ائتمه سى قيقاجييدى
مَرده شيرين ، نامرده چوْخ آجييدى
مظلوملارين حقّى اوْسته اَسَردى
ظالم لرى قيليش تکين کَسَردى

(٥٥)
مير مصطفا دايى ، اوجابوْى بابا
هيکللى ،ساققاللى ، توْلستوْى بابا
ائيلردى ياس مجلسينى توْى بابا
خشگنابين آبروسى ، اَردَمى
مسجدلرين ، مجلسلرين گؤرکَمى

(٥٦)
مجدالسّادات گوْلردى باغلارکيمى
گوْروْلدردى بولوتلى داغلارکيمى
سؤز آغزيندا اريردى ياغلارکيمى
آلنى آچيق ، ياخشى درين قاناردى
ياشيل گؤزلر چيراغ تکين ياناردى

(٥٧)
منيم آتام سفره لى بير کيشييدى
ائل اليندن توتماق اوْنون ايشييدى
گؤزللرين آخره قالميشييدى
اوْننان سوْرا دؤنرگه لر دؤنوْبلر
محبّتين چيراخلارى سؤنوْبلر

(٥٨)
ميرصالحين دلى سوْلوق ائتمه سى
مير عزيزين شيرين شاخسِى گئتمه سى
ميرممّدين قورولماسى ، بيتمه سى
ايندى دئسک ، احوالاتدى ، ناغيلدى
گئچدى ، گئتدى ، ايتدى ، باتدى ، داغيلدى

(٥٩)
مير عبدوْلوْن آيناداقاش ياخماسى
جؤجيلريندن قاشينين آخماسى
بوْيلانماسى ، دام-دوواردان باخماسى
شاه عبّاسين دوْربوْنى ، يادش بخير !
خشگنابين خوْش گوْنى ، يادش بخير !

(٦٠)
ستاره عمّه نزيک لرى ياپاردى
ميرقادر ده ، هر دم بيرين قاپاردى
قاپيپ ، يئيوْب ، دايچاتکين چاپاردى
گوْلمه ليدى اوْنون نزيک قاپپاسى
عمّه مينده ارسينينين شاپپاسى

(٦١)
حيدربابا ، آمير حيدر نئينيوْر ؟
يقين گنه سماوارى قئينيوْر
داى قوْجاليب ، آلت انگينن چئينيوْر
قولاخ باتيب ، گؤزى گيريب قاشينا
يازيق عمّه ، هاوا گليب باشينا

(٦٢)
خانم عمّه ميرعبدوْلوْن سؤزوْنى
ائشيدنده ، ايه ر آغز-گؤزوْنى
مَلْکامِدا وئرر اوْنون اؤزوْنى
دعوالارين شوخلوغيلان قاتاللار
اتى يئيوْب ، باشى آتيب ، ياتاللار

(٦٣)
فضّه خانم خشگنابين گوْلييدى
آميريحيا عمقزينون قولييدى
رُخساره آرتيستيدى ، سؤگوْلييدى
سيّد حسين ، مير صالحى يانسيلار
آميرجعفر غيرتلى دير ، قان سالار

(٦٤)
سحر تئزدن ناخيرچيلار گَلَردى
قوْيون-قوزى دام باجادا مَلَردى
عمّه جانيم کؤرپه لرين بَلَردى
تنديرلرين قوْزاناردى توْسيسى
چؤرکلرين گؤزل اييى ، ايسيسى

(٦٥)
گؤيرچينلر دسته قالخيب ، اوچاللار
گوْن ساچاندا ، قيزيل پرده آچاللار
قيزيل پرده آچيب ، ييغيب ، قاچاللار
گوْن اوجاليب ، آرتارداغين جلالى
طبيعتين جوانلانار جمالى

(٦٦)
حيدربابا ، قارلى داغلار آشاندا
گئجه کروان يوْلون آزيب ، چاشاندا
من هارداسام ، تهراندا يا کاشاندا
اوزاقلاردان گؤزوم سئچر اوْنلارى
خيال گليب ، آشيب ، گئچر اوْنلارى

(٦٧)
بير چيخئيديم دام قيه نين داشينا
بير باخئيديم گئچميشينه ، ياشينا
بير گورئيديم نه لر گلميش باشينا
منده اْونون قارلاريلان آغلارديم
قيش دوْندوران اوْرکلرى داغلارديم

(٦٨)
حيدربابا ، گوْل غنچه سى خنداندى
آمما حئيف ، اوْرک غذاسى قاندى
زندگانليق بير قارانليق زينداندى
بو زيندانين دربچه سين آچان يوْخ
بو دارليقدان بيرقورتولوب ، قاچان يوْخ

(٦٩)
حيدربابا گؤيلر بوْتوْن دوماندى
گونلريميز بير-بيريندن ياماندى
بير-بيروْزدن آيريلمايون ، آماندى
ياخشيليغى اليميزدن آليبلار
ياخشى بيزى يامان گوْنه ساليبلار

(٧٠)
بير سوْروشون بو قارقينميش فلکدن
نه ايستيوْر بو قوردوغى کلکدن ؟
دينه گئچيرت اولدوزلارى الکدن
قوْى تؤکوْلسوْن ، بو يئر اوْزى داغيلسين
بو شيطانليق قورقوسى بير ييغيلسين

(٧١)
بير اوچئيديم بو چيرپينان يئلينن
باغلاشئيديم داغدان آشان سئلينن
آغلاشئيديم اوزاق دوْشَن ائلينن
بير گؤرئيديم آيريليغى کيم سالدى
اؤلکه ميزده کيم قيريلدى ، کيم قالدى

(٧٢)
من سنون تک داغا سالديم نَفَسى
سنده قئيتر ، گوْيلره سال بوسَسى
بايقوشوندا دار اوْلماسين قفسى
بوردا بير شئر داردا قاليب ، باغيرير
مروّت سيز انسانلارى چاغيرير

(٧٣)
حيدربابا ، غيرت قانون قاينارکن
قره قوشلار سنَّن قوْپوپ ، قالخارکن
اوْ سيلديريم داشلارينان اوْينارکن
قوْزان ، منيم همّتيمى اوْردا گؤر
اوردان اَييل ، قامتيمى داردا گؤر

(٧٤)
حيدربابا . گئجه دورنا گئچنده
کوْراوْغلونون گؤزى قارا سئچنده
قير آتينى مينيب ، کسيب ، بيچنده
منده بوردان تئز مطلبه چاتمارام
ايوز گليب ، چاتميونجان ياتمارام

(٧٥)
حيدربابا ، مرد اوْغوللار دوْغگينان
نامردلرين بورونلارين اوْغگينان
گديکلرده قوردلارى توت ، بوْغگينان
قوْى قوزولار آيين-شايين اوْتلاسين
قوْيونلارون قويروقلارين قاتلاسين

(٧٦)
حيدربابا ، سنوْن گؤيلوْن شاد اوْلسون
دوْنيا وارکن ، آغزون دوْلى داد اوْلسون
سنَّن گئچن تانيش اوْلسون ، ياد اوْلسون
دينه منيم شاعر اوْغلوم شهريار
بير عمر دوْر غم اوْستوْنه غم قالار

bb
02-17-2008, 11:00
کوچلر سو سپيشم
يار گلند توز اولماسن
اِل گلسين ٬ اِل گتسين
آراميزدا سوز اولماسن
سماورم اوت سالمشام
ايستکان قت سالمشام
يارم گدیپ ٬ ته غالمشام
نه عزيزدی يارم ٬ جانم
نه شيرين دی ٬ يارم ٬ جانم
""""""""""""""""""""""""""""""""
یــل تـوخــونــــدو یــاپــراقـــلارا

نـــغـــمـه دولــدو دوداغــقــلارا

دونـــوب بــاخــــدیم اوزاقـــلارا

سنی گوردوم گوزل سوگیلیم

تـــام آرزولار گـــوروشـــه نـده

مــورازلیــلار گولــوشــــه نـده

اویــمیـــزه گــون دوشــه نـده

سنی گوردوم گوزل سوگیلیم

بــیر مهربــان قــیز گــوره نـده

بیـــر جوت آلا گوز گــوره نــده

قــارا خاللی اوز گـــوره نـــده

سنی گوردوم گوزل سوگیلیم

بهــار قـــالی تــوخـــویـــانــــدا

گــوشـــلار نغــمــه اوخویـانــدا

ایـــلدیــریـــملار شــاخیــانـــدا

سنی گوردوم گوزل سوگیلیم

یــا اوزومــدن کــوسـنــده مــن

یــا فــیکیــرلی گه زه نده مــن

گـــوزه للریــن گـوزونـــده مــن

سنی گوردوم گوزل سوگیلیم
"""""""""""""""""""""""""""""""""""""""""

تا دولاندیردون منه ای ماه سیما گوزلرون

گوستریبدور منده اعجاز مسیحا گوزلرون

یل ووروب زولفون سالاندا صفحه رخساروه

بیر ایشاریله خسوفی ائتدی معنا گوزلرون

کیمدن اوره نمیش نگارا بیلمیرم غارت یولون ؟

بیر باخیشدا هر نه ییم وار ائتدی یغما گوزلرون

من دئدیم دل مولکونی تسخیر ائده نمز بیر نفر

یازدی کونلومده ولی انا فتحنا گوزلرون

bb
02-17-2008, 11:01
سازيمي آتماك ايستيرم داليما،
كي چاليم سس سيزليكده عاشيك سازيمي،
اوخويوم نغمه لري و دييم :
سومكده هوش، سويلمكده

گديم گزيم چوچه لري بير بير،
دارگين لاري باريشتيريم،
سويلييم هر كسه اوجا سسيله :
سومكده هوش، سويلمكده

اورگيم ديپ ديپ ادير بيلميرم نيه،
يقين بير شي ايستير بيلميرم كي نه،
آما بونو بيليرم :
سومكده هوش، سويلمكده

غم جادداسين باغلايين،
الوزه گوللر آلين،
بونو هچ اونوتمايين،
سومكده هوش، سويلمكده
"""""""""""""""""""""""""""""
هانسی بخدور پای یارانمسان
یریشی دوریشی غمزلی گوزل
هانسی بخدور پای یارانمسان
یرد برابرین وار دیمرم
گوی د ملک لر تای یارانمسان
منی بند ایلدی عشقینین توری
گوزلریم جان آلیر چشمه دن دوری
سپیلیپ اورگیم گونشین نوری
اولدوز یارانبسان آی یارانبسان
عشقین لای لاسین چالاندا بیلدیم
عقلیمی باشیمنان آلاندا بیلدیم
امیدم او مقام دا او آندا بیلدیم
آشیب داشان جوشغون چای یارانبسان
*****
ب بیر ملک دیمی گولردن گلیب
گوزلری چشمه دن دوری گوزل دی
یریشی جیراندی باخیشی مارال
گونش چهره سینین نوری گوزل دی
نجه سیغال چکیب تله بخدور
البیر بال قاتیب دیل بخدور
هر کیم یار دییب بله بخدور
سالسا کمندین توری گوزل دی
سینه سی بیاض دی داغلار قارینان
الهی بزییب ناخش لارینان
بیر پارچا اود قوپوپ باخش لارینان
یاندرسا امیدی قوری، گوزل دی
*****
داغین دوشیند بیر چیچک سن
اجازه ور دریم سنی
عطرینی دویماخ اوچون سینم اوسد سریم سنی
تلیم دون داراغیم دا،گونش دون ساباغیم دا
دور گوزیمین قاباغیندا،گوند مین یول گورییم سنی
امید باخ گدم دایان
خسرتینن اوزلدی جان
اونوتمارام هچ بیر زامان
قارا گوزلی پریم سنی

منیم پاییم نازلی،گویچه عشقیم " ناز" ا

bb
02-17-2008, 11:04
دَیدی ساچ لاریما باهار کولگی
نازنده سوگیلیم یادیما دوشدو
هَره نین باختینا بیر گوزل دوشر

سنده تکجه منیم آدیما دوشدون
نازنده سوگیلیم یادیما دوشدون

سن سیز داغ دوشونه چخدیم بو سحر
اوتدی قومرو کیمی کورشه لاله لر
ده نیه یالقیز سان سوردو لاله لر

غور ایتدین نیسکیلیم یادیما دوشدون
نازنده سوگیلیم یادیما دوشدون

گوزلریم یول دا دیر قولاغیم سس ده
سنی اونوتمارام من سون نفس ده
ای جیران باخیش لی ای بویو بسته

ای تازه تر گولوم یادیما دوشدون
نازنده سوگیلیم یادیما دوشدون

سهیل قاسمی
""""""""""""""""""""""""""""""""""""
راز آخار لیل ایله
دسته دسته گول ایله
من یاریمی سویرم
شیرین شیرین دیل ایله

باغچا لاری ساری گول
یاری غونچا یاری گول
گِج آچیلدین تِز سولدون
اولمایایدین باری گول

آی لاچین، جان لاچین، من سنه قوربان لاچین

یری یری نیشان یار
یری عشقه دوشَن یار
ایلچی لری قیریلمیش
اوزو ایلچی دوشَن یار

آلما آتدیم نا رگلدی
کتان کوینک دار گلدی
قاپی یا کولگه دوشدی
ایه بیلدیم یار گلدی

آی لاچین، جان لاچین، من سنه قوربان لاچین

سو آتدین یارا دَیدی
الیم دیوارا دَیدی
دیلیم منیم گوروسون
نه ده دیم یارا دَیدی

اِله بی اودا یانسین
پروانه اودا یانسین
من یاندیم یار اوزوندن
اِشینسین اودا یانسین
آی لاچین، جان لاچین، من سنه قوربان لاچی

""""""""""""""""""""""""""""""""""""""
لویدا قلبیمین ایلک سوداسی...............الویدا
الویدا عشقین اوزاخ صداسی..............الویدا
یوللاری دولاشیخ
دونیادا چاشیپ قالدیم من
سن سیز
الویدا سونَن گونَشیم.........................الوید� �
الویدا اوزو دونَن گونَن گونَشیم...........الویدا

دورنا لار باشلادی فریادا گورون هیجرانی................. الویدا، الویدا
سوگیلیم، الویدا
آیریلیق قشقرر دورنالار ماوی سما دا
الویدا، الویدا
سوگیلیم، الویدا
الویدا.

bb
02-17-2008, 11:05
اوچ گون ایمیش بو دونیانین صفاسی،
صفاسیندان آرتیق اولور جفاسی،
گرچک ارنلرین عشقی، هواسی
بیری قیرخدیر، قیرخی بیردن ساییلیر.

گرچک عاشیق منزلینده دورورسا،
چراغ کیمی یانیب شمعی اریرسه،
اکسیکلیگین کندیسینده بیلیرسه،
اول عاجز اولسا دا، اردن ساییلیر.
""""""""""""""""""""""""""""""""""""
شاه اسماعيل

يقين بيل ابجد و بورهان, "على"دير
بيان-ى توحيد و قورآن, "على"دير

محممد مئعراجا وارديغى گئجه
قاپيدا گؤردويو آرسلان, "على"دير

چيخاردى اوزويو, وئردى نيشانه
"حقيقت" گؤردو كيم سوبحان, "على"دير

"حق" ايله قيلدى دوخسان مين كلامى
اوتوز مين سيرر ايله سيردان, "على"دير

چيخاريب يئر اوزوندن گؤيه اول دم
آپاريب گتيره ن رحمان٫ "على"دير

گؤروب يئر اوزره بير گونبد ياسينميش
عجاييب گونبد-ى خضران٫ "على"دير

ايچينده سورولور سيرر-ى حقيقت
قورولموش محشر و ميزان٫ "على"دير

ايره لى يئريييب٫ قاپىنى قاخدى
آنا كيمسن؟ دئيه سوران٫ "على"دير.

دئدى كيم: خاديمم٫ خئيرالنسايام
هم اول دم قاپىنى آچان٫ "على"دير

چو گؤردو قيرخ ارى وار٫ سيرر-ى قودرت
ايچينده سرور-ى مردان٫ "على"دير

ايچرى گيريبن قيلدى محببت
بيرى قيرخ٫ قيرخى بير ياپان٫ "على"دير

عجاييب رمز ايچينده قالدى احمد
بو رمزى گؤستره ن آسان٫ "على"دير

بيرينه چالدى٫ قيرخيندان قان آخدى
هم اول دم نشترى چالان٫ "على"دير

چيخاردى بير اوزوم ساييل دونوندا
الينه خاديمين سونان٫ "على"دير

ازيلدى شربت اولدو٫ ايچدى اونلار
جونون و عاشيق و حئيران٫ "على"دير

چاليندى كف و دست٫ قوپدو سماعى
بولارى مست ائده ن مستان٫ "على"دير

ايچيلدى شربت و ييرتيلدى تولبند
اوزويون گؤسته رن نيشان٫ "على"دير

يوخ ايكن يئر و گؤى٫ عرش ايله كورسو
حقيقت ميزانين قوران٫ "على"دير

بو معنىدن "على" سيرردير٫ يقين بيل!
خواريج گؤزونه سينان٫ "على"دير

بو بيچاره "ختايى"نين پناهى
داواسيز دردلره درمان٫ "على"دير.

bb
02-17-2008, 11:05
سیخیلیر کونول آغلایار گوزوم
قالیبدیر اورکده یارالی سوزوم
دای دیزلریمده قالمییب دوزوم
گئدیری اوغلوم قالمالی دییر
داوادرمانی آلمالی دییر
سهنده باخین قارلیدی باشی
قارادی گوزو قلم دی قاشی
بوجور داغلارا آغیر یاراشی
ندن بیلمیرم یاتاغان گئدیر
آی سیز گئجمدن گونش سان گئدیر
گئتملی اولدین مندن آرالی
قویدون باغریمی غملی یارالی
سندن سونرا من رنگیم سارالی
گئتمه بیر دایان بویووا باخیم
یوردموزداکین یاندیریم یاخیم
سنسیز بو دونیا پارایا دیمز
یارالی انسان یارایا دیمز
آغلار بیلیرسن قارایا دیمز؟
نییه گلمیشدین نییه گئدیرسن
کونلومی غمله کدر ائدریسن
سندن آرالی قوجاللام اینان
قئیدسن بیر ده اوجاللام اینان
قاف دان دا بیر گون باج آللام اینان
سهند! سن آلله گئتمه بیر دایان
اوزون یوخودان سن آلله اویان
سهند بیلیرسن سنه قول آچدیم؟
دوشک بئشیکه قیزیلی ساچدیم؟
سن اولان گونی یورلدوم قاچدیم ؟
دایان گئتمه بیر آتان آغلاییر
دمیر توخویا اوزون باغلاییر
بیر گون سن منه چلیک اولاردین
نه بیلیم تئزدن گلیب سولاردین
قالاردین گول تک منی یولاردین
گئت قوی باجیلار سنسیز آغلاسین
آنان اوره گین گونده داغلاسین

bb
02-17-2008, 11:07
اوزوم کیمین سوریم سنی من
گوزوم کیمین سوریم سنی من
بو جان سنین بیر وطنین وطن بیتانم
اوزوم کیمین سوریم سنی من
گوزوم کیمین سوریم سنی من
بو جان سنین بیر وطنین وطن سنی من
"""""""""""""""""""""""""""""""""""""""""
قوز آغاجه قولوم يار
قول بوينويا سالوم يار

نجه من سيز ياتورای
داش اورک له ظالوم يار



آغاج آتدوم آغاجا
بير قوش توتدوم بالاجا

قارداش نيشان نی گوردوم
قاشه گوزه قاراجا



ال لريم اياخ لاروم
حناله بارماخ لاروم

يول لارا باخا باخا
قان قويده دوداخ لاروم



قزيل گولم آشمارام
آشسام نا دولاشمارام

ايل بيلسين عالم بيلسين
من سنه ياراشمارام


گليرديم چای ايچيندن
سس گلده باغ ايچيندن

خدا مطلبين ويرسين
آچولان آی ايچينده



حسنی آی حسنی
حق ساخلاسون يار سنی

بيمار گويلون نار ايستر
منيم گويلوم يار سنی

دامنا دورانا قوربان
اله قرآنا قوربان

منکه سنه گورمورم
سنه گورنه قوربان

bb
02-17-2008, 11:09
یکیمیزده بیر اورک وار

یاری منده - یاری منده، یاری سنده

سئوگی آدلی بیر آغاجیق

بوداق منده - بوداق منده، باری سنده



چیچک بیتر گول اوزونده مین معنا وار هر سوزونده

بیر بولودوق گوی اوزونده یاغیش منده - یاغیش منده، دولی سنده



بیراووچویام گوزوم اوودا

قاچ ها قاچدا - قاچ ها قاچدا، قووها قوودا

عومروموز بیر شیرین سئودا

پتک منده - پتک منده،بالی سنده
""""""""""""""""""""""""""""""""""""
ؤرسن من نییه یارب بئله نالان اولدوم ؟

غلط ائدیم کی سنه واله و حئیران اولدوم!

اودا یاخدین من بیچاره نی پروانه کیمی

آجیغین گدی مگر عاشیق انسان اولدوم ؟

سود و سرمایه می مجموع الیمدن آلدین

نییه کیم زاهد اولوب مسجیده دربان اولدوم !

شیخ صنعان کیمی من بوینوما سالدیم زنار

ایندی گل گؤر کی کیلیسالارا رهبان اولدوم

ائتدیم اول دیلبر ترسایا بو گون بیر سجده

ایندی بیلدیم کی یقین منده مسلمان اولدوم

شکر اللله کی من کوفرده بولدوم ایمان

کئچن ایامه نه حاصیل کی پشیمان اولدوم

گل نباتی، دولانیم باشینا، به!به! نه گؤزل

جان وئریب یاره، وفا راهینا قوربان اولدوم

rahe kavir
02-17-2008, 11:09
اقا ترجمشو نميذارين ؟؟؟

bb
02-17-2008, 11:10
سن نئجه يار سن هئچ اغياريله فرقين يوخوموش



سن نئجه گون سن هئچ شمعيله فرقين يوخوموش



نقدر نازووه من برده كيمين هي سورونوم



بلكه من بيلمميشم سنده لطافت يوخوموش



هي دالونجا بو كوچه ،پس كوچه دن يوللانيرام



بئله فيكر ايليرم يوللارا مقصد يوخوموش



يا كي مقصد وارو سن آيري خيال ايلميسن



ائله فيكر ايليسن منده تفكر يوخوموش



هر نه فيكر ايليسن فيكروه ثابت قدم اول



قوي دئسونلر فخريده بو امره تمنا يوخوموش



ساييرام قاپلاري بير بير كي چاتام مقصديمه



اما بيله آگاه اولورام ياريمه منزل يوخوموش



تيكجم عشق ومحبتدن اول ياريمه بير منزل



كي گوروب بيلسين اونون اوستونه بيركاخ يوخوموش



فخريا، عشقسيز هر كس كي بو دنياده ياشير



بوني بيل اوندا بو دنيايه لياقت يوخوموش

فخرالدين محمدي

bb
02-17-2008, 11:11
سو"دئییبدیر منه اولده،انام اب کی،یوخ

"یوخو"اویرتدی اوشاقلیقدامنه،خواب کی،یوخ

ایلک دفعه کی،"چورک"وئردی منه نان دئمه دی

ازلیندن منه "دوزدانه"، نمکدان دئمه دی

انام ،اختر دئمه یبدیرمنه،"اولدوز "دئییب او

سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

باغچانین گون باتانیندا کی،ایلیق گون یاییلار

گل:-دئیه ردی،-داراییم باشیوی ای نازلی بالام!

گلمه سن گر،باجیوین استاجا زولفون دارارام

او دئمه زدی کی ،-بیا شانه زنم بر سر تو

گر نیایی بزنم شانه سر خواهر تو

بلی،داش یاغسادا گویدن،سن او سان من ده بویام

وار سنین باشقا انان،واردی منیم باشقا انام

اوزومه مخصوص اولان باشقا ائلیم واردی منیم

ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشایاق،بیرلیک ائدک

وئریبن قول-قولا،بوندان سورا بیر یولدا گئدک

اولا،اوزگه کولک لرله گرک اخمایاسان

ثانیا،وارلیغیما،خالقیما خور باخمایاسان

یوخسا گر زور دئیه سن ملتیمی خوار ائده سن

گون گلر،صفحه چونر،مجبور اولارسان گئده سن



شعر:پروفسوردوکتور محمد تقی زهتابی(کیریشچی)

bb
02-17-2008, 11:11
ساری کوینک


ای خسته قوش اواره گزیرسن بو دیاری

زنداندی قفسدی چمنی،باغی،باهاری

گوزله اوزووی اوچی دی هریانی بو یوردون

قوزغون کیمی دورت گوزلو گزیر کورپه شکاری

فرصت دالی سینجا گزیر ال یئری تاپسا

ویران قویاجاقیوردونی ای کوینکی ساری

تیک اوز یووانی قویما سنه ال تاپا اوچی

سن بو یووانئن صاحیبی سن،قان یئنه باری

جهد ائیله کی،جان قورتاراسان اوچی الیندن

دوشسن تورا،فریاد ائلمه،چک بو فشاری

گولشنده کی یوخ ذوق وصفا ای ساری کوینک

قاچ قاچ بو یئرین زهرلی دیر دارو نداری

دیللنسن اگر،اوچی ائده ر قانئنا غلتان

اوچسان آ یازئق!تیر جفا قلبینی یاری

مین فئرتانا قالخئب،دوگه جک،باشئنا طوفان

هر کیمده اولا،داغ کیمی دونیادا ووقاری

گلسه نه قده ر دردو بلا ،داغ کیمی دور باخ

ایدین دی بو سوز"توستو گئده ر گوچکه ساری"

ایستر سنی صیاد اوزونه رام ائده امما

اویغودا گوره ر،اج تویوق البتده کی داری

بو یاخشی مثل دیر کی بیزیم ائلده دئمیشلر:

بیر باخ اشاغا ،باخما اوزونده ن ده یوخاری

غم غصه کیچیک قلبینی گر دوگسه سئخئلما

بو گونده کئچر،اخیری،غملرده قوتاری

اوندا کی چئخارگون،یاییلار عالمه بیرده ن

اوندا کی قارادان یئری ،صبح اولجاق اغاری

داغی-داشی اسوده خیالیله گزه رسن

گولشنده نه شاختا گوره سن،داغدا نه قاری

ظولمون ائوی ویران اولو ،ظالیم دوشه ر الدن

قان دورماز اگر کسسه پئچاق قئرسا داماری

بختین قاپوسی ایندی قئفئلانسا دارئخما!

هر بیر قئفئلئن واردی طبیعتده اچاری

اوز جانوویلن اویناما بو عرصه ده "شیدا"

لیلاج دغلبازیله قئزدئر ما قوماری

bb
02-17-2008, 11:12
سنده پای اولارسان بیرگون بیرینه
یاران منیم کیمی دوشردرینه
اونوتمااوگونی گوروش یئرینه
گلمه ین سن اولدون ،گلن من اولدوم

من سنی تاپانداایتیردیم اگر
ایتیریم ،گولوشون گونلومه یئتر
اورتاق دردیمیزی هم ده برابر
بولمه ین سن اولدون ،بولن من اولدوم

من یورغوی بیراسلان داغلاریوواسی
سن کیچیک بیرمارال جیران بالاسی
اوره ییم آغریدان قابار چالاسی
بیلمه یین سن اولدون بیلن من اولدوم

من سنی سئومیشدیم گونشجه گونده
هئچ گون آغلاتمادی ایچیمی دونجه
گوروشه گلنده هردونه اونجه
گولمه یین سن اولدون گولن من اولدوم

داغانیق گورورسن منده هرزادی
گولورسن اوزون گول گولدورمه یادی
یاش گوزلریمییزدن بیرشیرالدادی
سیلمه یین سن اولدون،سیلن من اولدوم
علی داشقین

bb
02-17-2008, 11:16
* گؤزلــــر *

يئنه‌ كمان‌ كيمي‌ چكيب‌ قاشلارين‌،
قولدور باخيشلاري‌ واي‌ مني‌ گؤزلر.
داغيديب‌ گؤنلومون‌ باغچاسين‌، بارين‌،
ياخيب‌ يانديرماغا خرمني‌ گؤزلر.

اليندن‌ كيم‌ قاچدي‌ جانين‌ قورتاردي‌،
صنعان‌ دينين‌ آتدي‌، دونوز اوتاردي‌،
هر زامان‌ يئني‌ بير فتنه‌ قوپاردي‌،
او گورجي‌ باخيشلار، ارمني‌ گؤزلر.

سوزگون‌ باخيشيندان‌ اوركلر شان‌ ـ شان‌،
هر ياندا مين‌ يانان‌ ، مين‌ ـ مين‌ آليشان‌،
داغيديب‌ تئللرين‌ ائديب‌ پريشان‌،
قلب‌ ائوين‌ ييخماغا شانه‌ني‌ گؤزلر.

حسرتي‌ لاله‌نين‌ باغرين‌ داغلاييب‌،
شوقوندان‌ گول‌ گولوب‌، بولود آغلاييب‌،
ييغيب‌ داليسيندا دسته‌ باغلاييب‌،
سونبولي‌، نرگيزي‌، سوسني‌ گؤزلر.

زلفلري‌ قاپ‌ ـ قارا، اوزو آي‌ پارا،
ناز ـ غمزه‌سيندن‌ اوره‌كلر يارا،
قدرتدن‌ چكيليب‌ قاشلارا قارا،
نئيله‌يير ـ نئيله‌يير سورمه‌ني‌ گؤزلر.

باخيشي‌، گولوشو، حيله‌سي‌، فندي‌،
قاتيب‌ ـ قاتيشديريب‌ پوسته‌ني‌ ـ قندي‌،
بيلميرم‌ ايلك‌ ازل‌ كيمدن‌ اؤيرندي‌،
چمخمي‌، عشوه‌ني‌، غمزه‌ني‌ گؤزلر.

سوردوم‌، شرمدندير، بو، يا نخوتدن‌،
باشيني‌ قووزاييب‌ باخماز ابدا.
دئديلر، اؤزو ايله‌ دگيل‌، خلقتدن‌
شيوادان‌ آليب‌ بو شيوه‌ني‌ گؤزلر.

عشقي‌، اوره‌گيمده‌ تالان‌ قوپاردي‌،
صبر و قراريمي‌ چاپدي‌ ـ آپاردي‌،
وورغون‌ اولسايدي‌ نه‌يه‌ يازاردي‌
سهند بو قوشماني‌، نغمه‌ني‌، گؤز

bb
02-17-2008, 11:18
تبريز
سنين دونيالاردا آدين بلي دير
ياييلميش هر يانا سوراغين تبريز
هر سينيق كونوله بير تسللي دير
بو تازه دورانين بو چاغين تبريز!

بو اودلار وطني بو گوزل مكان
يا گوزل گونشدير يادا آسمان
سن بو آسماندا دان اولدوزيسان
آرتيبدي عزتين نوراغين تبريز

شرقين گويلرينده چوخ اولدوز آخدي
تاريخ نه نيشان نه ايز بيراخدي
سنين مرد باغيندا شيمشك ده چاخدي
لاكين قارالمادي چيراغين تبريز!


آزادليق ايسته دين زيندانا دوشدون
تقصير سيز گناه سيز بهتانا دوشدون
مين قارا چووغونا بورانا دوشدون
ينه الولاندي اوجاغين تبريز

سن تسليم اولمادين اولومه قانا
اركين گوي مسجيدين شاهيد دير بونا
ستار خان يتيره ن اودلار يوردونا
بير سنگر يارانيب هر داغين تبريز

ايندي سن آزادسان ائلين بختيار
گليسن قدرتينه اينانمايانلار
سنده دير بو جلال بو ثروت بو وار
گوهر معدني دير توپراغين تبريز

آرتيق اينله مه يير قفسده بولبول
نه ساري خزان وار نه خسته بولبول
اوخويور شانيندان گول اوسته بولبول
گونده مين گول آچير هر باغين تبريز

گونش حسد چكير گوي لردن سنه
باخديقجا هئي باخير دويمايير يئنه
اولدوزلار مات قالير گوزل ليگينه
آيا گل دئير او بلاغين تبريز

ياشا بو دنيادا وار اول سن
جنتين تمثالي بير ديار اول سن
شرق ده آزادليغا بايراقدار اول سن
اولسون هر دشمنين هر ياغين تبريز

سنه آنا دئسم يئري وار يئري
چونكي تصديق ائدر بو شرق ائللري
ايگيتلر بويودوب ازلدن بري
سنين بو مهربان قوجاغين تبريز


منده اوز اوغلونام اي عزيز آنا
آل بو اولاديني دوغما قوينونا
اوشاق تك گولومو ساليم بوينونا
قوي اوپسون آنليندان دوداغيم تبريز

دولانير شمعينه پروانه كونلوم
آيريلماز حسنيندن بير يانا كونلوم
اود دوتوب آليشا ديوانه كونلوم
قوي آخسين قوينوما بولاغين تبريز
سوز:علي توده

bb
02-17-2008, 11:19
سن زلفوني آچ توك اوزونه ، شانه سي مندن
زنجيري نشان وير منه ، ديوانه سي مندن
سن عاشقي يانديرماغا ، من يانماغا مايل
سن شمعيني گوستر منه ، پروانه سي مندن
زلفون قدري عاشق اولان وار سنه ، اي گل
سن سويله او مجنونلاري ، افسانه سي مندن
سرمست گوزون فتنه ، لبين نشئه لي باده
ايچدير منه اول باده ني ، پيمانه سي مندن
سن ناايله گول كه ، صدفين قيمتي آرتسين
گوز ياشي كيمي اينجيسي ، دردانه سي مندن
هردم گوتور اوزدن ، گوزليم افعي زلفون
چك ظاهره گنجينه ني ، ويرانه سي مندن
واحد ، مي تر ايتمك ايچون پير مغانين
رنجيده الوب بير نچه مستانه سي مندن
"""""""""""""""""
الامان چوخ چکمیشم بئش میمدن

انسانی محروم ائدر تزویجیدن

اولی ماشین آلانماز هر کاسیب

یوخ پولی یورقانین آتدا غم باسیب

ذکر و فکری تک بودور آلسین ژیان

هی حسابلور بیرزادا یوخدور گمان

روزنامه چاپ ائدیب بیر صفحه ده

که ژیان حراج اولوب اورمیه ده

ایستدی غزم سفر ائتسین اورا

گئتمه میش یولدا تمام اولدی پارا

نصف یولدا اود دوتوب یاندی دیلی

ماشین آلماقدان کسیلدی دای الی

یاتمامشی رویاده ماکسیما گورور

عشقیلن دوست دخترینه بوق وئرور

آرزو ائیلیر همیشه یوخلاسین

تا کی ماکسیمانی الده ساخلاسین

صبح آچیلیدی گوردو ماکسیما ندور

هامیسی رویائدور،افسانه دور

دومین میمی که قلبیم ایستییر

منزل و مسکندی گنگی دیندییر

هر کسی گولوم سئویر ایلیم عیال

اولین شرطی بودور که بیر دام آل

هر جوانین اولماسا گر مسکنی

جراتی یوخدور دئیر بو کلمه نی

کلمه ی زوجتکِ گلمز دیله

ازدواجی ساخلایار سونکی ایله

جان یئتر باشه یئتینجه ایل باشا

دردینه مرهم اولار حوققا ماشا

سومین میمیم موبایلیمدور منیم

بیر موبایل آلسام گئدر هر بیر غمیم

قیز خیاباندا شماره ایستییر

چون جوابیم منفی دور دیل تیترییر

هر جوانین یوخ موبایلی یوخ خوشی

ائوده اون بیر باش آدامدور بیر گوشی

تلفن ایستر زنگ ورا قلبیم یاتار

هامدان اول آنام فوری قاچار

سویلیر آقای صادق واردیلار

بده گوشی را بهش دارم قرار

چونکه ترک ائتدمز ائوی هئچ وقت دَدَم

یوخدو فرصت تلفنی صحبت ائدم

بیر موبایلیم اولسا بایرامدور منه

اوندا قیش فصلی داها یار دور منه

چارمین میمی که یخدور چاره سی

قیز دئیور یوخدور اونون مغازه سی

یوخ مغازه اوردا تا مشغول اولا

بئش تومن آل وئر ائده خرجین تاپا

بیر دانا فرغون گوتورسون او گرک

کوچه لرده سلسین نارین چورک

پنجمین میمی که ممکندیر منه

مدرک آلماقدور اودا اون ترمده

رشته میز ده کی زبان فارسی دی

بولا اولمیش لر شناسنامه سی دی

نردبان ازدواج بئش پله دی

بیزلرین یخدور دی بس چاره ندی

پله ی صادق تک و آن هم شل ا ست

بس قبولش دارد هر کس مایل است

صادق ساعدی

""""""""""""""""""""""""""
دونیا بویو آغلامیشام گئتمسین

گوزلریمدن،باخیشیمدان،ایتم سین

هئچ زامان اینصافه گلیب دورمادی

قویمادی گوزلریم گوله،قویمادی

گئت داها یالوارمارام اینصافه گئل

بیرده داهی سویلمرم گئتمه گئل

دون دالیوا باخما داها دونمرم

فیکر ائلمه سن سیز اُولم، اولمرم

سن دلی سن من ولی سندن دلی

دویقوما باخ غم دنیزینده ولی

ساحیله چاتماق منه ممکون دئیر

سینمه غم اوخ کیمی برکدن دئیر

من پائیزین خسته سیم سولمیشام

آغلامیشام گاه توتولوب دولمیشام

دون دالیوا باخما داها دونمرم

فیکر ائلمه سن سیز اُولم، اولمرم

سیما صاحبی

bb
02-17-2008, 11:21
سرنوشت اوینادیب آخیر منی آتدی فلیه

گوزومون نورون آلیب آی آنا گلمز دیمیه

گاپیمی آشمادی کیمسه بیله دردیم نییدی

الوداع سویلدی تقدیر منی ساتدی فلیه

پشمانام اما نه فایدا داغیلیب بتون اِلیم

دییرم کمک کمک اما گلن یوخ کمیه

زندانین میله لری هر گئجه سیرداشیم اولوب

داها دنیادا منیم بیرجه سوزوم یوخ دیمیه

اوبویوک دنیامی ساتدیم اِلدیم اوت پاراسی

دویدوم نامرد گاپیسین بیر کاسا سو ایشمیه

آبریم گدی جهنم،آنام آغلار یاشارا

گوزلریم باخدی یولا،باغریم آتا گوزلمیه

دنیادان کوسدو گولوم خوش ایرسینی محو اِلدی

جرائتیمیوخ داها من اوز گولومی ایلمیه

ویران اولسون او کسی کی منی ویران اِلدی

گوزومون نورون آلیب روحومو ساتدی فلیه

خانم آمری
""""""""""""""""
تاپام آرام و قرار،بیل کی محالدیر گزلیم

ایلین عاشیقی آرام،وصالدیر گوزلیم

ائله بیر حالته دوشدوم کی کوره اودلاندی

حیف سن بیلمدین آخیر بو نه حالدیر گوزلیم
"""""""""""""""""""""
حیدر بابا ایلدیرملار دا شاخمیر

سللر سولار شاقیلدیرب دا آخمیر

قیزلار اونا صف باغلیوب دا باخمیر

دیندیر مه چی یارالیام داغلیام

گونلوم ایستیر هوچوتمینن آغلیام

حیدر بابا بولبول گلمیر باخچیا

فانوس گورولمور دا بیزیم تاخچیا

پیسلیق ادیر هامو بوتون یاخچیا

اوز آرامیزدی،غیرتلرایتیبدی

انسانیقین رنگی اوزدن بیتیبدی

حیدر بابا گول درینیر ایلینر

بو را آیاغ آدارنیا میلینر

باغبان گولو دیننره دیلٌنیر

کیملر بیلیر بولبول نجور یالواریر

نجور گوله اوره باغلایر

حیدر بابا یولٌار منی یوروبدی

دومان گلیب ساچلاریمی یولوبدی

هامو ندن بو دونیادان دویوبدی

گلون گدخ،دنیا دا بیز گالمیاخ

دنیا داچی سورلره آلٌانمیاخ

حیدر بابا دونن قدٌیم بوچولدی

کوینیمین ایپک لری سوچولدی

خوش گونومین کتابلاری بوچولدی

چیغیر دیلار وای بوغازیم بیچیلدی

فاطما ننم اُلدی اِویم تیچیلدی

خانم آمری

bb
02-17-2008, 11:22
سیگارین نئشه سی مین سئو گلی جانانه دَیر

بیر یاشیل توستوسی وار عارف اوچون جانه دَیر

چکمینلر نـه بـیـلیر لـذت سیگـار نــــــــــــدور

اهل حال اولسا بیلر بیر نخی دنیایه دَیـــــــر

سیگاریلان اولار هر خسته یه عالمده عـلاج

بو طبابت گئنه مین چاره لقمانه دَیـــــــــــــر

سیگاری حرام ائتمیشدی میرزا رضای شیرازی

یعنی شیطان ایشیدور رخنه سی ایمانه دَیــــر

سیگاریلان سنی دفن ایله سه لر صادق اگر

قبریوین توپراقی مین روضه ی رضوانه دَیـــــر

(با رخصت از علی آقا واحید)

bb
02-17-2008, 11:22
«اینتظار»

گول اوزونله،شوخ سوزونلهسن اوزون بیر دنه سن

ناز باخیشلا،ناز گولوشله،کنلمه سن گلسن

بیرده حیران الدین سن منی او گول اوزووه

نه اولار هر گئجه رویاءمه بیر سن گلسن

هارداسان تا گلسن رونق بازاریمیزه

یوسفی حیران الیوب گلذاریمه بیر سن گلسن

بیلیرم الده آزیم وار سنه لایق دییرم

نه اولار منی لایق گوروب بزمیمه بیر سن گلسن

گلده ناز ائتمه منه،عشوه و قوربان من اولوم

عشوه وی من چکرم نازه،خریدار سن گلسن

عشقینله دیوانه منم،گئجه گندوز من یانارام

من سنه پروانه یم،شمع اولماقا سن گلسن

اینظار دان اورگیم قانه دونوب

منه غمخوار اولاسان،دردیمه درمان سن گلسن

زینال وطن خواه

bb
02-17-2008, 11:23
عاشیق اولموشام ، بیر نازلی یارا

قاش گؤزو قارا ، معصوم مارالا

بو فکر و خیال ، چوخداندی منی

محکوم ائلییب ، چکیبدی دارا

سن بیر دؤولتدی قیزی

من ده فقیر بیر اوغلانام

سنین یئرین یوردون وار

من بیر آواره چوبانام

من غریب مسافرم

یوللاردا گؤزلریم قالدی

بیلمیرم عزیزیمی

منیم الیمدن کیم آلدی

گئدیرم اؤز شهریمدن

منیم ائویم چؤللرده دی

من اؤلندن ده سورا

سندن آدیم دیللرده دی

آند ایچرم عزیزیم

آنامیزین جانینا

قانیمی قاتارام من

مظلوملارین قانینا

بو دونیا نه منه سنه ده قالماز

عاشق اؤز عئشقیندن اینتیقام آلمز

بو دونیا منده سنه ده قالماز

لیلی اؤز مجنونون چؤللره سالماز

bb
02-17-2008, 11:25
داغلاردا جئیرا گزه ر
ال آیاغین داش ازه ر
من یارا نئیله میشم
یار مندان کنار گزه ر
دیلبریم ، دیلبریم
گل گل آهو بالاسی
اوجاداغلار لالاسی
عاشیق ائللر آیریسی
شانه تئللر آیریسی
بیر گونه دؤزمه زیدیم
اولدوم ایللر آیریسی
دیلبریم ، دیلبریم
گل گل آهو بالاسی
گل گل داغلار لالاسی
::::::::::::::::::::::::::
ای ترک خطا دیده مگر لعبت چین سن
یا لعبت چینی کیمی غارتگر دین سن
کوثر لب لعلونده ، بویون نخله طوبی
سؤز یوخ اؤزون آراسته بیر خلد برین سن
شیرینلیق عبارت دی سنین شهد لبیندن
یوخ یوخ سن او شکرده اولان نقطه لی شین سن
سن جانیمی آل من ده آلیم بوسه لبیندن
یو شرطین ای شوخ برین بنده برین سن
بیر همزن جمعیت دلهای پریشان
پیرایه ده انجمن اهل یقین سن
بیردیر هامی عضونده سنین ظاهر و باطن
ای گوهر رخشنده مگر در ثمین سن
گول اوزده گؤروب سبزه خطین دئدیم الخط
اثبات حیات ائتمه گه آیات مبین سن
گؤز گوشه سینی ائیلمه سن اوزده گؤز آلتی
ای خال خیالیلن عجب گوشه نشین سن
وجهی ندی صرافی سالیبسان نظریندن
ظالیم نییه ظلم ائتمه گه بیر بیله برین سن

شاعر : میرزا رضا صراف
""""""""""""""""""""""""""""
غزلیات شاه اسماعیل صفوی

کد:

[Only registered and activated users can see links] ISMAIL.pdf

"""""""""""""""""""""""""""""
غزلیات فضولی

کد:

[Only registered and activated users can see links]

bb
02-17-2008, 11:26
من عشق آتشيله كؤنول داغلاديم

مقدس سئوگی يه اوره ك باغلاديم

هرآن لپه لنديم هرآن چاغلاديم!

آنجاق سن منيم تك چاغلاما جیران!



گونش تك روحوما نورونو ساچدين،

اليمدن ياپيشدين دنيزه قاچدين…

سئوگي قاپي سيني طاق با طاق آچدين!

ايندي ده اوزومه باغلاما جیران!



سئوگي ميز پارلايیر بير چيراق كيمي،

جوشوروق داشيريق بير بولاق كيمي…

محبت بئشيك دير بيز اوشاق كيمي…

لاي لاي چال كؤنلومو داغلاما جیران!



شلاله شلاله گؤزومون ياشي…

آخير گؤزلريمدن ییخیر داغ داشي،

خاطيره لر اولوب يولوم يولداشي

گئديرم آردیمجا آغلاما جیران!



امین رسولی

bb
02-17-2008, 11:27
یانیندا دلبریمین اعتباریم اولماسادا

یئنه غمین چکه رم، غمگساریم اولماسادا



بدنده یاری جانیم قالماییب، گئدیب یاریم

گره ک دوزم غمی هیجرانه یاریم اولماسادا



گونوم، کی تار اولوب اول زولف الیندن، ای تاری

ترنم ائیله، سنی تاری، تاریم اولماسادا



اوزون خیالی بسیمدیر بهشتی - کویینده

یوز ایل خیالیما گلمز، باهاریم اوماسادا



لبینده، مست گوزوم، هر دوشنده خاطریمه

شرابه رغبتیم آرتیر، خوماریم اولماسادا



منیم بیر آهیم ایله شمع لری یانیر گئجه لر

توخنما، شعله یئ - عشقم، شراریم اولماسادا



کمندئ - زولفونه،واحید، اوزوم شیکار اولدوم

منیم او آهو باخیشلی شیکاریم اولماسادا

bb
02-17-2008, 11:28
سئومیشم من سنی، ائی شوخ پشیمان دئییلم

سندن ال چکسم اولونجه اگر،اینسان دئییلم



او وفاسیز کی، سنین له بئله رفتار ائله دی،

من بو ایشدن، گوزه لیم، ذره جه خندان دئییلم



مین اگر دوشمنیم اولسا، او جفا پیشه کیمی،

سنده قورخما، مله ییم، من داها قورخان دئییلم



سئویرم من سنی، بی حد حساب ائتمه منی،

سندن اوزگه گوزه لیم عشقینه قوربان دئییلم



سن منیم له اولاجاقسان، نه قدهر عمروم وار،

سندن اوزگه گوزه ل عشقینده نیگاران دئییلم



منی سندن آییرا، بلکه، اولن واختدا عجل،

واحیدین عاقلی کئسیر هر شئی، نادان دئییلم.

bb
02-17-2008, 11:28
سن سیز ای گول کونلومون بیر دم قراری یوخدو، یوخ

سندن اؤزگه، نئیله سین، بیر غمگساری یوخدی، یوخ



درد هیجرین چاره سی هرچند بیلدیم صبرایمیش

نئیله ییم، بالله بو دریانین کناری یوخدو، یوخ



لئیلی- لئیلی سؤیله ییب چوخلار دئییر کیم عاشیقم

لیک مجنون تک اونون بیر داغداری یوخدو، یوخ



گوللری، بولوللری، آب و هاواسی چوخ گؤزل

حئیف کیم بو گولشنین بیر گولعذاری یوخدو، یوخ



هئچ عیبین یوخ، گؤزلیک هامی سنده جمعدیر

نئیله ییم آمما کی، عهدین اغتباری یوخدو،یوخ



سن نه بسلرسن بو ترلانی نباتی، روز و شب

من بو داغی چوخ دولاندیم بیر شیکاری یوخدو، یوخ

bb
02-17-2008, 11:29
نا دئیلیم
فخریم
شوکتیم
شعریمین آخشامینا بیر اولدوز
آنا دئیلیم
آزادلیقیم
حوریتیم
یعنی کندیمین گوزل داقلاری
آنا دئیلیم
سو یعنی آب
گئد یعنی برو
شهریارین شیرین تورکی اشعاری
آنا دئیلیم
لای لای سسی
عاشیقلارین سازی
بویوک آنامین قیصه لری
آنا دئیلیم
آنا یوردوم
توپراغیم ، قانیم
آتامین درگز وئیران چولری
آنا دئیلیم
سهند
ساوالان
سرابین سووق کوچه لری
آنا دئیلیم
گوزوم
جانیم
یعنی آذربایجانیم

bb
02-17-2008, 11:29
گؤرسن من نییه یارب بئله نالان اولدوم ؟

غلط ائدیم کی سنه واله و حئیران اولدوم!



اودا یاخدین من بیچاره نی پروانه کیمی

آجیغین گدی مگر عاشیق انسان اولدوم ؟



سود و سرمایه می مجموع الیمدن آلدین

نییه کیم زاهد اولوب مسجیده دربان اولدوم !

شیخ صنعان کیمی من بوینوما سالدیم زنار

ایندی گل گؤر کی کیلیسالارا رهبان اولدوم



ائتدیم اول دیلبر ترسایا بو گون بیر سجده

ایندی بیلدیم کی یقین منده مسلمان اولدوم



شکر اللله کی من کوفرده بولدوم ایمان

کئچن ایامه نه حاصیل کی پشیمان اولدوم



گل نباتی، دولانیم باشینا، به!به! نه گؤزل

جان وئریب یاره، وفا راهینا قوربان اولدوم

bb
02-17-2008, 11:29
ائی ییخان کونلوم ائوین، قیل حذر افغانیمدان!

ائوین آباد اولا، ال چک دیلی ویرانیمدان



منی مجنون ایله فرهاده برابر توتما

من اولاردان دا هنرلر کئچنم جانیمدان



بیرجه گل گور نه جفالار چکیرم زولفوندن

خبرین یوخدو سنین، حالی پریشانیمدان



طعن ائدیر ائل منه : ((یارین نه وفاسیز چیخدیی ؟ ))

ای وفاسیز، دئمیرم من بونو اوز یانیمدان



سانکی باشدان-باشا بیر شعله ئ-عشقم گئجه لر

شمع لر اودلانیر آهئ- دیلی-سوزانیمدان



نئیلرم من گولو، یا لاله نی انصافیم وار

اونلارین هانسی گوزلدیر رخ جانانیمدان!



واحیدم، عصریمیزین ایندیکی فرهادی منم

کیم منی آیری سالار خسروئ خوبانیمدان

bb
02-17-2008, 11:30
دلا منت چکینجه سن وفاسیز آشنالردن

یاخینلاش درگهئ - حقه اوزاقلاش بی وفالردن



هر آهو گوزلونون زنجیری - زولفون موشک ظن ائتمه

اسیری اولمامیش، جهد ائت، قوتار جانین خطالردن



آیاق توتدوقجا وار قاچ، هر دنی خصلتله یار اولما

صداقت مرحمت اوما بو مسلک سیز گدالردن



زمانه اولسا رایینجه، سنینله یار اولور عالم

یامان گونده اوز دونده ررلر بی نوالردن



خطادیر ایندی هر نا اهله دیل وئرمک، رفیق اولماق

گدالیق دیر، دیانت گوزلمک هر بی ادالردن



بوتون اوضاعئ عالم خالق اوچون بیر درسئ عبرت دیر

گره کدیر امتحان اولماق توکنمز ماجرالردن



اگر جنت اولا عالم صفا و ذوق دن واحید!

بیزی طالع آیرماز بیر زمان محنت سرالردن.

bb
02-17-2008, 11:34
باتما ای، آی، بوردا بیر عاشیق پریشاندیر هله

گلمه ای آیدین سحر یار بیزده مهماندیر هله



گل پریشانی، پریشان ائیله مه، احسان ائله

ائی سخاوت کانی جان موشتاقی احساندیر هله



گل مریضی عئشقدن کسمه کرامت کولگه سین

اوز پرستاریم منه مشغولی درماندیر هله



دان یئرین، دان اولدوزون۷ بیرده سنی گوزلر گوزوم

مورگولو گوز کیپریک اویناتماز نیگهباندیر هله



قوی غیربلر حلقه سینده منده بیر مجلیس قوروم

سنده اول شاهید کی شام، شامی غریباندیر هله



باتما ای،آی، گل یوبان پوزما نیاز عالمرین

گلمه ای آیدین سحر یار بیزده مهماندیر هله

bb
02-17-2008, 11:47
گوزليم عکسون توشوب پيمانه دن پيمانيه.....گوندروب عشقون مني ميخانه دن ميخانيه......درديمي بير بير ديم من ساغر و پيمانيه......درديمه درمان شراب اولدي طبيبم ساغي لر.......گوندروب عشقون مني گور هانکي داروخانيه
""""""
شاه اسماعیل دان بیر نئچه شعر

1

گل ای عارف سنه هر دم طواف حج اکبردور

کی قبله ن نور پیغمبر، امامین نقد حیدر دور

علی اولدورکی، جنتده اولوبدور ساقی کوثر

بودور جنت، بودور ساقی، شرابی آب کوثردور

شجاعت بو، کرامت بو، ولایت بو، مروت بو

علی نی گؤرمه ین خاسر، یزید و گبر کافردور

الونده باده گلرنگ ایچر، غازیلرین شاهی

نه حاجتدور نوغول، شکر، سؤزون قند مکرردور

صراطین کؤرپوسون کئچدیم، عمل منزلینه کؤچدوم

یولون دان آزانون بالله، مقامی نار محشردور

2

هر زامان کیم قارشوما اول دلبر مه رو گلیر

جانیمه بیر اود دوشور، بو دیلیمه یاهو گلیر

سینه می قارشو دوتارام کویونا اول دلبرین

ساغینیرام دمبدم "ویس قرن" دن بو گلور

حسرتوندن دلبرون دوشدوم "سرندیب" داغینه

عاشق دل خسته نی هر دم سورار گلور

جانومی قوربان قیلاردیم یولونا اول دلبرون

اول زاماندان کیم دئیه رلر اول بت مه رو گلور

ای حطائی سن وجودون پاک ائیله گیل

چونکی پاک اولسا اونا سرچشمه دن بیر سو گلور

3

ای رموز خط و خالین شرح قرآن، یا علی

وی رخ فرخنده ماه فالون، ماه تابان یا علی

خاک کویونده مخمر اولدو آدم طینتی

ای سر کویون نسیمی، روح انسان یا علی

حق تعالی امر ایله ای شه کون و مکان

انس و جنه لطف ایله، سن سن وئرن جان یا علی

جمله ی مؤمن لرون کؤنلونده روشن دور یقین

عنبرین زولفون سوادی، نور ایمان یا علی

ذوالفقارین هیبتیندن تیتره شور ارض و سما

مرغ و ماهی قورخوردان چون بید لرزان یا علی

منبع مهر و وفا و درّ دریای کرم

معدن جود و سخا و لطف و احسان یا علی

سایه بان چرخ گردون سایه سینده ن گلمه میش

بیر سنون تک شهسوار روز میدان، یا علی

...

4

ای خطائی غافل اولما اوشبو دنیا فانی دور

هر نه کیم گلدی وجوده ، حقین مهمانی دور

بو کلامی ورد ائدینمک مؤمنون ارکانی دور

قبله گاهومدور محمد(ص)، سجده گاهومدور علی(ع)

5

عشق دریاسیندا غواص اولوسان، مردانه وار

کئچمه نامرد کؤرپوسوندن قوی آپارسین سو سنی

دون بنفشه سئیر ائده گؤردوم نهانی گشت ائدیر

دلبریم اگنینه گئیمیش بیر قبای سوسنی

6

گلن بیردور، گئدن بیردور، قالان بیر!

همن بیردور همن بیردور همن بیر!

7

من موالی مذهبم، راهیم علی(علیه السلام)

حاجتیم ذکریم، نظرگاهیم علی(علیه السلام)

اولدو عنقا تک خطائی بی وجود

قاف فدرت سرّ اللهیم علی(علیه السلام)



یا علی جانیم سنه اولسون فدا

"قل کفی" دیر شأنینه حقدن ندا

بو خطائی کؤنلونه قیلدی نزول

مرحبا ای شاه عالم مرحبا



من حسینی مذهبم، شاهین قولو

یعنی کیم معنی ده آللاهین قولو

ای خطائی پادشاه اولماز کیشی

اولمایینجا اوشبو درگاهین قولو

8

کؤنول! نه گزیرسن سیران یئرینده

عالمده هر شئیین وار اولمایینجا

اولورا-اولمازا دوست دئیوب گزمه

بیر عهدینه بوتون یار اولمایینجا



یوری صوفی، یوری! یولوندان آزما!

ائلین غیبتینده قویولار قازما

واریب هر دوکانا بیهوده گزمه

یانیندا مرشدون وار اولمایینجا



قالخدی، هاوالاندی کؤنلومون قوشی

غوغا، غیبت ائتمک کؤتونون ایشی

اوستادین تانیماز بوندا هر کیشی

اونون کیم مرشدی ار اولمایینجا



واریب هر کؤتویه سن اولما نوکر

چرخینه دگرده دولونو دؤکر

نه خدادن قورخار، نه حجاب چکر

بیر کؤتوده ناموس-عار اولمایینجا



شاه خطاییه م ائدیم بو سری بیان

کامل می دیر جاهل سؤزونه اویان

بیر باشدان آغلاماق عمره دیر زیان

ایکی باشدان محب، یار اولمایینجا

کد:

[Only registered and activated users can see links]

*Sahar*
02-18-2008, 00:52
بي بي جان ممنون از اين تاپيكه مفيد

ولي اگه ميشد معنياشم بزاري خيلي بهتر بود

اون جوري همه كامل متوجه ميشن كه شاعر اين شعرا چي ميگن! R)

bb
02-18-2008, 10:34
معنایی گذاشتن سخته اخه :d

ولی سعی میشه در صورت بیکاری اینکر رو بکنیم ( البته با اوضاع جدید سرمان شلوغ است )

bb
04-17-2008, 15:19
گئنه دونیا کیمی باغریم دارالیب
قولاغیم سسده ، گؤزوم یولدا قالیب
سیزلاییر ساز کیمی غمدن اوره گیم
هانسی عاشیق اونو حسرتله چالیب ؟
کیم آچیب غم قاپیسین وارلیغیما ؟
نییه ایسته ک قاپیسی باغلی قالیب ؟
گونه حسرت ، گئنه آخشام ، گئنه غم
گئنه دویغوگؤلو کؤکدن سارالیب
نه دیلک بازلیغی دیر چیلغین اوره ک ؟
من اوچون عرصه دونیا دارالیب
یورما یار – یار دئیه رک ، یار اوره گین
اودا اؤز ایسته گینه فیکره دالیب
سحر اولسادم دا یالان وارلیغیما
قارا بایراق گئجه لر کؤلگه سالیب
...
شب سیاه
باز دلم چون دنیا گرفته
گوشم به صدا و چشمم به راه مانده
دلم مثل ساز ، از غم مویه می کند
کدام عاشق آنرا با حسرت نواخته ؟
چه کسی دروازه غم را به هستی ام باز کرده ؟
چرا درآرزوها بوریم بسته مانده ؟
باز حسرت ، باز شب ، باز غم
باز گل احساس از ریشه پژمرده
چه بازی آرزوست ای دل دیوانه ؟
برای من عرصه دنیا تنگ شده
با گفتن یار – یار دل یار را خسته نکن
او هم در فکر آرزویش مانده
سحر هم باشم دروغ ، به هستی ام
شبهای سیاه سایه افکنده

bb
04-20-2008, 10:06
اولدوز سایاراق گؤزلمیشم هر گئجه یاری

گئج گلمه ده دیر یار یِنه اؤلموش گئجه یاری

گؤزلر آسیلی ، یوخ نه قارالتی نه دَه بیر سَس

باتمیش قولاغیم ، گؤر نه دؤشورمکده دی داری

بیر قوش «آییغام!» سؤیلیه رک ،گاهدان اییلده ر

گاهدان اونودا یئل دئسه لای-لای هوش آپاری

یاتمیش هامی ، بیر آللاه اؤیاقدیر داها بیر من

مندن آشاغی کیمسه یؤخ ، اؤندان دا یوخاری

قؤرخوم بودی یار گلمه یه، بیردن یاریلا صبح

باغریم یاریلار، صبحوم آچیلما، سنی تاری!





دان اولدوزی ایسته ر چیخا ، گؤز یالواری چیخما

اؤ چیخماسادا، اولدوزومون یوخدی چیخاری

گلمز ، تانیرام بختیمی ، ایندی آغارار صبح

قاش بئیله آغاردیقجا ، داها باش دا آغاری

عشقین کی قراریندا وفا اؤلمایاجاقمیش

بیلمم کی طبیعت نیه قؤیموش بو قراری؟

سانکی خؤروزون سؤن بانی، خنجردی سؤخولدی

سینه مده اوره ک وارسا ، کسیب قیردی داماری



ریشخندیله قیرجاندی سحر ، سؤیله دی: دورما

جان قؤرخوسی وار ، هرکس اوتوزموش بو قماری

اؤلدوم قره گون، آیریلالی اؤ ساری تئلدن

بونجا قره گونلردی ائدن رنگیمی ساری

گوز یاشلاری هر یئردن آخارسا، منی توشلار

دریایه باخار، بللی دی چایلارین آخاری

از بس منی یاپراق هجرانلا سارالدیب

باخسان اوزونه سانکی قیزیل گولدی ، قیزاری

محراب شفقده اؤزومی سجده ده گؤردوم

قان ایچره غمیم یوخ ، اوزوم اؤلسون سنه ساری

عشقی واریدی شهریارین گوللی چیچکلی

افسوس قارا یل اَسدی ،خزان اولدی بهاری

bb
04-20-2008, 10:06
بیرگون گوزه لیم قبریمین اوستن اوتوشرسن

دردیندن اولن عاشیقینی باشه دوشرسن

ائتمز ملک اولسا بو قدر ناز و کریشمه

اینصافه یاخینلاش گوزلیم سنده بشرسن

نازیله گلر کن قدمین قوی گؤزوم اوسته

قویما قوری یئر اوستونه بیردن سوروشرسن

بیگانه ایله گزمه دئدیم قلبینه دگدی

جانان نه بیلیم سن بو قده ر دگمه دوشرسن

بیر سالمادین اوز عاشیقینی یادینه ظالیم

اغیاریله آمما گئدیب هر گون اوپوشرسن

ال چک منه ای دل دئمه زولفوندن او ماهین

بیر گون بو کمنده سن اوزونده ایلیشرسن

رحم ائیلمه دین (( واحید ه )) ظالیم دیریلیکده

اولدوکده مزاریمله گئدرسن گؤروشرسن

bb
08-14-2008, 11:04
قوی یاتسین اویاتما
****
ای صبح نسیمی ائله اَس یاری اویاتما
شیرین یوخودان دلبر عیاری اویاتما
****
باخ سینه سی اوسته توکولن زلف سیاهه
رحم ایله من زاره او شهماری اویاتما
****
بسدور که حیا پرده سینی گوتدون اوزوندن
چکمه ایاقیندان داخی شلواری اویاتما
****
جانا گوروسن خلقی دوتوب خواب جهالت
قوی یوخلاسین عالم یاتان افکاری اویاتما
****
سرگرم ائله خلقی مودیلان تار قاوالیلان
چک باشینه یورقانی سنی تاری اویاتما
*****
موشلار بو گئجه آلدی امان نامه پیشیکدن
تایلار بوشالوب صاحب انباری اویاتما
****
آغلا وطنین حالینه اما یاواش آغلا
شهلر آتاسی نادر افشاری اویاتما
****
مندن سوروشورسان ندی معنای تمدن
گل اورگدیم اما گئدوب اغیاری اویاتما
****
سابق آدی وحشیتیدی ایمدی تمدن
اوندا گویودی ایمدی اولوب ساری اویاتما
****
ویلالره، کاباره لره ایله تماشا
معنای ترقینی بیل احراری اویاتما
****
لوژلاردا، هتل لرده، پلاژلاردا، دولان گز
گور عین تمدن ندی نظاری اویاتما
****
گر اصل تمدن بودی، وحشیته رحمت
قوی یوخلاسین اوغلوم بو تبهکاری اویاتما
****
هر جنسیده وار داخله مارکی پولا گئتمور
گویا که تقلبدی خریداری اویاتما
****
اوز جنسیمیزی اوزگه آدیلان ساتانوخ بیز
الله یوخیدان بیر بئله بازاری اویاتما
****
تجارین اولوب ایشلری بیر پارچا تقلب
قوی دائمی یاتسین بوطمعکاری اویاتما
****
هرکس ده بیر آز پوللیدی ایرانی بگنمور
آخ من نه دئمدیم بیر بئله غداری اویاتما
****
ائشک بالاسی اوز ائوینون قدرینی بیلمور
بیگانیه یالتاخلانان ادباری اویاتما
****
اسلامی آتوب ایلوری لامذهبه تقلید
قرآنی دانان فرقه ی کفاری اویاتما
****
قیشقیرما کریمی نه ثمر شعر وغزلدن
بیز یوخلامیشوخ نیلیروخ اشعاری اویاتما

bb
08-14-2008, 11:05
سوگلیم ایران اَره گئتدی:
****
افسوس منیم سوگلیم ایران اَره گئتدی
قویدی گوزیمی یاشلی پریشان اَره گئتدی
****
بیر اوپمدیم افسوس اونون گول دوداقیندان
بیرقرمزی گول تک آچیلان خوش یاناقیندان
گورسیدیم اوپردیم چنه سیندن بوخاقیندان
****
یخدی ائویمی خانه سی ویران اَره گئتدی
افسوس منیم سوگلیم ایران اَره گئتدی
****
من یانمورام ایران اَره آیا نیه گئتدی
امایانیرام آخ نیه بیگانیه گئتدی
اسلام بونا نیلدی،نصرانیه گئتدی
****
بوندا یوخوموش غیرت و وجدان اَره گئتدی
افسوس منیم سوگلیم ایران اَره گئتدی
****
داش باشیما من ایلمورم دردیمه چاره
قاتدیم باشیمی آلکلا تریاکه قماره
الواطیله دمساز اولدوم همه کاره
****
غفلت ائلدیم بیر بئله جانان اَره گئتدی
افسوس منیم سوگلیم ایران اَره گئتدی
****
چوخ جاه وجلالی واریدی نام بلندی
باغی میشه سی بوستانی اوچ دورد پاراکندی
یاندی بو دلارامه دل آرام توکندی
****
تترتمه دوشوب جانیمه جانان اَره گئتدی
افسوس منیم سوگلیم ایران اَره گئتدی
****
بند ائتدی منیم باشیمی بدجنس مصاحب
آخرده گلوب اولدی گوزل یاریمه صاحب
ائتدی اوقدرثروت و سامانه تصاحب
****
حیف اولدی اوجور دلبر فتان اَره گئتدی
افسوس منیم سوگلیم ایران اَره گئتدی
****
بولمم هارا گئتمیشدی منیم عقل و شعوریم
ایمدی منی رسوای جهان ائتدی قصوریم
ال تاپدی رقیبیم زورونا چاتمادی زوریم
****
ائتدی ایشیمی ناله وافغان اَره گئتدی
افسوس منیم سوگلیم ایران اَره گئتدی
****
ایران نجه ایران واریدی مهر و وفاسی
ناموسی حیاسی نه گوزل صدق و صفاسی
دولموشدی بوتون قلبلره خوف و هراسی
****
نامحرمی ائتمیشدی هراسان اَره گئتدی
افسوس منیم سوگلیم ایران اَره گئتدی
****
افسوس او گوزل نقشه ی زیبا عوض اولدی
بیگانه گلین دردی گلستانی پوزولدی
مین زحمتیله بسلدیقیم گول بئله سولدی
****
آچماز داخی بیرده بو گلستان اَره گئتدی
افسوس منیم سوگلیم ایران اَره گئتدی
****
بیر مدت آدی قیزلار ایچینده چوخ اوجالدی
بیر دیوه دچار اولدی بوجور پیس گونه قالدی
دیش دوشدی یاناق باتدی دوداق سولدی قوجالدی
****
اولدی او رسا قامتی چوگان اَره گئتدی
افسوس منیم سوگلیم ایران اَره گئتدی
****
ایمدی تازادان ایستور اولا چاق و جوانه
ماساژ ،روژ لب ،فرمژه ،اطوار زنانه
ک... و شکم بند و مایو رخت شبانه
****
سرخاب وسفیدابیله الوان اَره گئتدی
افسوس منیم سوگلیم ایران اَره گئتدی
****
ایران گوراخ آیا همان ایران اولی اولماز
مین زینت ائده بو قوروموش بود اَته دولماز
بکرین گوتوروبلر بونا قیز آدی قویولماز
****
آخر اوزیده اولدی پشیمان اَره گئتدی
افسوس منیم سوگلیم ایران اَره گئتدی
****
مشگلدی کریمی سنه بیرده گله ایران
بیهوده چالیشما داخی دوشمز اله ایران
کهلیک کیمی باشین قارا قویلور هله ایران
****
صدحیف او گوزل کبک خرامان اَره گئتدی
افسوس منیم سوگلیم ایران اَره گئتدی
****
تا رگلریمیزده هیجانلی قانیمیز وار
ایرانی خلاص ایلماقا امکانیمیز وار
الله بیزیلندور که بیزیم قرآنیمیز وار
****
سن اولما مکدر که بو جانان اَره گئتدی
افسوس منیم سوگلیم ایران اَره گئتدی
****
من قویمارام ایران اولا بیگانیه آرواد
جاندان گئچرم سو گلیمی ایلرم آزاد
ایران آنادور ملته ملت اونا اولاد
****
باشسیز قویوب اولادینی هاردان اَره گئتدی
افسوس منیم سوگلیم ایران اَره گئتدی
****
ایران عزیزیم منه جسمیمده کی جاندور
من قویمارام الدن گئده مهریه سی قاندور
صاق صول بو قزا مشتریدی بسکه ماتاندور
****
سن ایلمه باور بئله آسان اَره گئتدی
افسوس منیم سوگلیم ایران اَره گئتدی


zaker-e-zaman

bb
08-14-2008, 12:01
گئنه نیسگیل لئچگین سالدی خزان
اچمامیش غنچه لری چالدی خزان
منی ده جایناغینا آلدی خزان
یاشیل احساسلی چمن ساخلا منه
..
یالانا دوزلوک اوخو ائتسه اثر
گول بیتیب ، غنچه گولوب ، آچسا سحر
بیرده گؤرکملی اوره ک گؤرسن اگر
او اوره کلرده وطن ساخلا منه
..
سؤزلرین سینه لره کؤز قالادار
دویغونون توشگولو کؤزدن جالادار
اونداکی سؤز گونشی چالخالادار
سؤزده اولدوز کیمی دن ساخلا منه
.
دایاغ عونوانلی داغ آواره سی یم
قارا گونلرده آغ آواره سی یم
بیر گولوشلوک دوداغ آواره سی یم
غملره قارشی گولن ساخلا منه
..
دئمیرم خوشلوغا یاد ائت یادا سال
غم اؤنونده آدیمی فریادا سال
منی ده غم بؤلوشنده آدا سال
بیر اوره ک پایلی محن ساخلا منه
..
بیر دایان ، ذیروه یه ایز قوی گلیرم
سانماکی خسته یم ، ایز قوی گلیرم
بیر چاناق سؤزده دئنیز قوی گلیرم
بیر دؤیوش مئیدانی چن ساخلا منه
..
اوجالیقلاردا ایزین وار دئیه رک
چیخارام داغلارا یار – یار دئیه ره ک
گله رم غربت ائوین دار دئیه ره ک
وطن عونوانلی کفن ساخلا منه


نویسنده شهربانو

bb
09-26-2008, 13:46
گل بیزه یار
آی داغلار سنده گؤزوم وار
آی منده درده دؤزوم وار
خبر وئرین یارگلسین
آی اوره گیمده سؤزوم وار
گل بیزه گل بیزه گل بیزه یار
قوربانام او قاش گؤزه یار
آی سو گلیر آرخا نه وار
آی دولانمیر چرخه نه وار
منده ن اؤز یاریم کوسوب
هئچ بیلمیره م خلقه نه وار
گل بیزه گل بیزه گل بیزه یار
قوربانام او قاش گؤزه یار
سن سیز آی یار منیم خوش گذرانیم یوخدور
سن کی یوخسان ائله بیل جیسمده جانیم یوخدور
عشق پروانه سییه م غم اوتونا تابیم وار
خسته بلبل کیمی هر لحظه توانیم یوخدور
یامان گونومده منیم بیرجه اومیدیم سن سن
سن سیز هئچ بیر کسه عالمده گومانیم یوخدور
عشقینه باغلی اولاندان بری مجنون کیمی یه م
ائله سرگشته یه م هئچ یئرده مکانیم یوخدور
صبریم ای یار الینده ن غم هجرانین اولوب
بیرده غم چکمه یه بو جیسمده جانیم یوخدور
آی من عاشیقم گنجه وار
آی شکیل شیروان گنجه وار
یار یاردان آیریلسادا
آی محبت قلبینده وار
گل بیزه گل بیزه گل بیزه یار
قوربانام او قاش گؤزه یار

bb
09-26-2008, 15:34
ساقــــــیا! دور دولانــــــــیم باشـــــینا ،گل دؤورانـه
جام زرینی گؤتور، بیـــــــــــرجه دولان مستانــــــه!
تار زولفون کیمی ظالیم! منـــــــی بی جان ائله دین،
گتیر اول روح و روان ایله منــــــــــی بیر جـــــــانه.
گـــــــؤرمه سین ئـــوزگه گؤزللر من و مجنونو،مگر
ســــــــالیب اول کافــــــــیر بــــــــی رحم منی زندانه.
عشقـــــــــدن گـــؤر نه عجب نفعه یئتیشدیم وه! وه!
عــــــــاقیل عصر ایکـــــن ائتــــــــدی منی دیــــوانه.
قورخمـــــــا نیـــــــــران فـــــراقین شرریندن ای دل!
صـــــــدق ایلــــــــه دوت أوزونـو بیرجه شه مردانه
اســــــــم اعــــــــظم دئیــــــــــلن، اســـم علیدیر بالله!
گــــــزمه بــــــی جـــــــا یئـره نسناس کیمی هر یانه!
ائتمـــــز اقـــــــــرار نباتــــــــی! بو سؤزه زاهد دون،
گلمـــــــــز ایمانـــــــــا یقیـــــــــن،آند ایچه سن قرآنه.

bb
10-04-2008, 17:39
لب لعل نگارى گوردم آنى قانه نبدتدم
ازون اوستند زلفين کفرايله ايمانه نبدتدم


شياغى گل گيبى قرمز لنوب گلزاره نندردى
من آنى وحشتمدن قاتلى بير ميدانه بندتدم


تو خونمش حال ره گيسولرى چيننده آسلانمش
ايکى زنجير داره يا ايکى ثعبانه نندتدم


او ظالم خرمن صبرى قيلان غارت زماننده
رعيت خرمنين يغما ايدن بيرخانه نندتدم


بيزم بوملتون ابطال ظلمى گوردگم ساعت
همان ابطال سحر موسى عمرانه بندتدم


شفيقىنون اشعارين او خورکن ايلدم انصاف
فضولى تک آنى بير صاحب عرفانه بندتدم

bb
10-04-2008, 17:40
نه اولار سرو سهی عشقیوی اعلان ایدسن

بویانان کونولومی بیرقصریزه مهمان ایدسن
اذلده عهد ایدیروخ صادق اولاق عشقیمیزه
دیمیرم هجرا نیوه دیدمی گریان ایدسن
چشم غمازین گوزلیم شهرتی خوشدور دییرم
زوفلرین چین چین اییله دنیانی الوان ایدسن
سن اوباغین بیر گولوسن طراوتدی باشدان باشا
سولما کی تا عمری بویی بولبولی نالان ایدسن
هر می نابدان بیلیرم لعل لبین ایچملیدی
ساغری دولدورکی ویرب باغرمی شان شان ایدسن
دنیا بویی آرزیم بودورای سروبویلوم کی سن
خرم الوب شاد یاشایب گردش دوران ایدسن
فتانه دور خمارگوزون ساحر الوب سال سن ایشه
عاشیقیوی افسون ایدیب عالمی حییران ایدسن
چتین اولارجان ویرمه سی انتظاردا قالان کسین
اسدی ام گل اوزمان سن ایشیم آسان ایدسن

bb
10-19-2008, 23:19
منيم آي غملي ديليم !
درده بورونموش
سنه چوخ دردلي سؤزوم وار
سنه ايللر بوْيو قان آغلاماغا بيل كي گؤزوم وار
داخي دوستاقلي گؤنول ايچره كؤزوم وار
سن آتامين ديلي‏سن ، هم ده آنامين
ائليمين ، ميللتيمين ، كيمليييمين
بايراغي سَنسَه ن
تؤركلويون شانلي نيشاني
اُولاماز نازلي ديليم من سني آتام
اؤزگه ‏لر ديلينه ، ياد ائللرينه من سني ساتام
سني آلداتماييرام
سني ايچدن سئويره‏ م
سن اگر سولغون اولاسان ، سولاسان
گؤزلريم گؤز ياشيني دالغالارام
ظولمه قارشي آخارام
كؤزه ‏ره ‏ن گؤكسوم اوديله ياخارام
ظولمه سوْن نوقطه‏ سيني قويمالييام
سنه من آند ايچَه ره ‏م
آخي تورك'ون توْرونو
آنا "تومروس " قيزييام
آي منيم غملي ديليم !
درده بورونموش
سنه من آند ايچه ره ‏م
سنه من آند ايچه ره ‏م
شاعیر:راضيه كاظمي كراني- قاشقاي يوردو

bb
10-30-2008, 11:56
گئنه واردير
بو دلبر صد ساله ده حالت گئنه واردير،
گيسوي سفيدينده طراوت گئنه واردير.
حالا گزيري مرغ خيالي آرالاردا،
گول غنچه لبينده او لطافت گئنه واردير.
گرچه تؤکولوب ديشلري، ميمونا دؤنوبدور،
اما يئريشينده او نزاکت گئنه واردير.
تغيير تاپار حالتيميز، عادتيميز يوخ،
حمامدا، مسجدده کثافت گئنه واردير.
گز چمچه آوناني ، ليواني ، کوزه کناني،
قابلاردا، قاشيقلاردا، بدايت گئنه واردير.
قرآن اوخوماق، بئز توخوماق،کوفته پيشيرمك،
اولكي ترقي، او تجارت گئنه واردير.
گرچه چوخاليبدير پينه چي، فالچي، ديلنچي،
آمما نه دئييم، کشف و کرامت گئنه واردير.
ائيلردي ازه ل خسته و سيسقا ، قوجا، جاهيل،
هر آي باشي بير دفعه حجامت گئنه واردير.
هر درده دوا گؤيزيره ، جوشنده ، ايماله،
شوکر ائيله خدايه، او طبابت گئنه واردير.
هر ائوده بئش آلتي باشي داز قيز، کئچل اوغلان
حمامدا فرياد و قيامت گئنه واردير.
مايلدي کفن گئيمگه، باش يارماغا قارداش،
حمد ائيله رم آللاها ، او عادت گئنه واردير.
شالوار گئيه لي هر برکت گئتدي دئييرلر،
شوکر ائيله باجي، گئيمه ين آرواد گئنه واردير.
کيمدير کي، دئيير گئتميري عورت نوغا ايندي
شوکر ائيله باجي گئتمه ين آرواد گئنه واردير.
آغ، چاق قيچي آللاه ياراديب بنده سي گؤرسون،
گئت آهريزه بير باخ، او رذالت گئنه واردير.
ايام محرمده قديم جرگه گئدرديك،
ترك اولدو، ولي اؤزگه جنايت گئنه واردير.
کؤهنه دي دئسه م سؤزلريميز، مسجده گئتديم
غصه ائله مه، تازه روايت گئنه واردير.
يوخدور تازا سؤز، بيلمه لي سن مرثيه خواندا،
معلوم اولونان وحي و رسالت گئنه واردير.
رمالدا، درويشده، ايلانچيلاريميزدا،
تاثير نفس،کشف و کرامت گئنه واردير.
ترك اولدو شبسترده فقط دسته شاخسئي،
تبريزده ارباب شجاعت گئنه واردير.
معجز ! دئمه ديم من سنه بو سؤزلري يازما؟!
اول واريدي سنده سفاهت ، گئنه واردير.
معجز شبستری

ashna
10-30-2008, 12:50
میشه معنی این شعرهاییروهم که میگید بنویسید اگه ممکنه
ممنونم از شما@};-

bb
10-30-2008, 13:03
میشه معنی این شعرهاییروهم که میگید بنویسید اگه ممکنه
ممنونم از شما@};-

والا برای نوشتن معنی این شعرها باید 80 ساعت وقت بگذاریم :d
ولی سعی می کنیم شعرهایی بگذاریم که معنی همراشون باشه
ولی در کل فکر می کنم معنی هیچ وقت نمی تونه حالت خود شعر رو داشته باشه ::Ma

ashna
10-30-2008, 13:08
درسته شما درست میفرمایید فک میکنم باید زبونشو یاد بگیرم چون مجبورم:d، ممنونم@};-

bb
11-02-2008, 11:06
Ağlamadan ayrılık olmaz
جدايی بدون اشک نخواهد بود
Hatıralar uslu durmaz
خاطره ها ارام نمی گيرند
Kalanlar gideni gönlünde taşır
خاطرات را در خيال خود می پرورانم
Aşk sevene yük olmaz
عشق باری برای عاشق نخواهد بود
Biz böyle bilir böyle yaşarız
و ما اين گون می دانيم و اين گونه زندگی می کنيم



Ooo da biliyor
و او هم می داند
Ooo da seviyor
و او هم دوست دارد
Ooo
Bile bile kafa tutuyor aşka gözü kara
ولی ازعاشق شدن سر باز می زند
O yine bildiğini okuyor
و هر ان چه که می خواهد انجام می دهد



Çiçek gibi tazecik
مثل غنچه گل
Kıymeti bi tanecik
مرواريد پر ارزش
Ana sütü gibi temiz...
مانند شير مادر پاک و بی الايش



Dudu dudu dilleri
با زبان شيرينش
Lıkır lıkır içmeli
مانند نوشيدنی گوارا
Gözleri derya deniz
چمانش به رنگ دريا



Bu gönül ona torpil geçiyor
قلبم برايش مثل اژدهای شده
Etrafında fır dönüyor
و به دورش حلقه می زند
El bebek gül bebektir o
مثل عروسکی از گل
Ne yapsa inadına hoş görüyor
لجبازدوست داشتنی
Kara kara düşündürüyor
سخت به تفکرم وا می دارد



Ooo onun da içi gidiyor
Ooo da tasalanıyor
او هم با من تسلی می گيرد
Ooo
Bile bile kafa tutuyor aşka gözü kara
ولی از عاشق شدن سر باز ميزند
O yine bildiğini okuyor
و هر ان چه که می خواهد انجام می دهد
Sen güldüğüme bakma
به لبخندم نگاه نکن



Gör de duy da inanma
ببين و گوش کن ولی باور نکن
Tuz buz oldu bu kalp ah on bin parça
قلبم مانند برف و يخ هزاران تکه شده
Aldığın her nefeste
ای کاش در هر نفسی که می کشم
Attığın her adımda burda olsa
و در هر قدمی که بر می دارم با من بود
Cancağızım yanımda olsa
عزيزترينم پيش من بود



Ata ata dertleri hep içime attım
تمام سختی ها رو به قلبم ريختم
İnsan gibi yaşamak benim de hakkım
مانند انسان زيستن حق من است
İçimdeki zemberek kırıldı artık
دل من شکسته
Tamiri mümkün değilse işte o gün yandık
و ديگر ترميمش غير ممکن است
Her gün yağmur yağabilir
هر روز می تواند باران ببارد
İnsan hata yapabilir
و انسان خطا کند
Birbirimize tutunursak
دست در دست هم باشيم
Belki güneş doğabilir
طلوع خورشيد را خواهيم ديد

turkqiz
11-17-2008, 21:59
دولدور پیاله نی وئر ایچیم، چوخ یوبانمیشام

ایللر بویو بو جامیدن اوتری دولانمیشام

گورجک سنی ، تمام وجودوم سن اولموسان

سنسیز ولی ، اوزومده اوزومدن تالانمیشام

سنلی گونش لریم منی ایزلیر آداخلی تک

نئیلیم من عاشقم ، سنی تکجه اینانمیشام

عشقیم یالان دئییل منه بیگانه سویله مه

مجنون کیمی دالینجا گزیب چوخ دولانمیشام

سنسن منیم ازل سوزومون سون حکایتی

سن ناز ائله ، کی من سوزوم اوسته دایانمیشام

عالم بیلیر کی اوزگه خیالی باشیمدا یوخ

عشقیم بو دور کی عشقین ایچون چیرمالانمیشام

من وار یوخو اودوزسام اگر سنلی گونلره

یوخدور غمیم کی سنله حیاتی قازانمیشام

قوی باشیوا اوزوم دولانیم مین نیازیله

یاندیر یانیم کی یانماق ایچون گر یارانمیشام

بیر گون گلر دئیر کی « سامع » ده گئتدی گل

گئتماق گرک ، قالماغا واخ یوخ ، یوبانمیشام

turkqiz
11-18-2008, 13:09
گوزومه سحرده چالان گونش، گوزلیم قارادی سن اولماسان

بئله باخما ظاهیر اوزوم گولش، اورگیم یارادی سن اولماسان

قیناما منی او خومار گوزه ، من ازل باخاندا وورولمیشام

اوز اورومله سویله رم هر گئجه، بوعومور فنادی سن اولماسان

گئدیرم دایان دانیشیم گئدیم، یانیرام دایان الیشیم گئدیم

هانی کاروان قاریشیم گئدیم، بورا غم سرادی سن اولماسان

گئجه اود توتور الیشیر اوره ک، دایاناندا من دانیشیر اوره ک

چاپالیر اسیر چالیشیر اوره ک، ایشیم آه و وادی سن اولماسان

وورولوب او دم اوره گیم سنه ، یاشاییش جهنم اولوب منه

منی گر بهشته ده سا لسالار، یئنه یوخدو دادای سن اولماسان

دئمه آشنالار آتیب منی، یادا ایشگینیم ده ساتیب منی

منه کیم وفا ده گر ائیله سه ، ائله بیل جفادی سن اولماسان

سوز "هوشنگ جعفری"

turkqiz
11-18-2008, 13:27
نه لازیم گؤزلره ترجمان گولوم

باخسان ترجمانسیز دینیر بو گؤزلر

عمور یولوموزدا هئی زامان – زامان

سؤنمز اولدوزلارا دؤنمز بو گؤزلر

گئتسن یوخو بیلمز راحاتلیق بیلمه ز

سن گئدن یوللاردان بیرآن چکیلمه ز

ناراحات قلبیمه راحاتلیق گلمه ز

سؤنه ر اولدوزلار تک سؤنه ر بو گؤزلر

ائشیتسه م حسرتین سونو یئتیشدی

طالعین سئوینمه ک آنی یئتیشدی

ائشیتسه م او ووصال گونو یئتیشدی

یولوندا ته زه دن یانار بو گؤزلر


این چشمها

گلم ، برای این چشمها مترجم لازم نیست
نگاه کن بدون مترجم سخن می گویند این چشمها
در راه عمرمان هر زمان
به ستاره ها مبدل نمی شود این چشمها

اگر بروی خواب و آسایش به خود نمی بیند
از سر راهی که تو رفتی کنار نمی رود
بر دل ناراحتم آسایش نمی آید
خاموش می شود مثل ستاره ها این چشمها

اگر بشنوم که حسرت به آخر رسید
لحظات شادی بخش دلم رسید
اگر بشنوم روز وصال رسید
در راهت دوباره روشن می شوند این چشمها

turkqiz
11-19-2008, 12:43
كــــــوچه
گئجه آی چیخمیشیدی
منیدیم بیرده او کئچمیش کوچه‌لر
بیرده تمام خاطیره‌لر منله برابر
گینه غملر اورگیمده قالانیردی
گینه سنلن او کئچن خاطیره‌لر یاده دوشوردو
او گؤزل خاطیره لر آیدینا گلدیکجه گؤزومده
آلیشیب اوددا یانیردیم
دانیشیردیم آییلا ، اولدوزايله ، چایلا ، چمنله
آی او گونلر کی گزیردیک بو داریش کوچه ده سنله
آیاغیم کوچه یه چاتدیقجا اورک دردینی دئشدی
اوتوروب سئیر ائله دیم خاطیره لرده ؛
گؤزیاشیم خاطیره لر تابلوسینا باخدی تؤکولدو
سئل کیمی آخدی تؤکولدو
او گؤزل گونلریمیز یادیما دوشدو
سنی آختاردی گؤزوم پنجره لرده
سونرا ایتگین ایتیرنلر کیمی قاشدی
او زامان سن دولانان یئرلره باخدی
آمما بوش یئرله ساتاشدی
یئنه غم کاسه سی کؤنلومده جالاندی
یئنه کؤنلوم یارالاندی
نه گؤزل گونلریمیز سنله واریدی او صفالی کوچه ده
حیف او سئودا ، او محبت بئله نیسگیللی قورتولدو
نئجه تئز عشقیمیزین یاسی دوتولدو
نئجه تئز خوش گونون عومرو سونا گلدی
نه بیلیردیک؟ بئله دووران دؤنه‌جکمیش
نه بیلیردیک؟ کی بوتون آرزولار ایمکان اولا بیلمز
نه بیلیردیک؟ یانار اودلار سؤنه جکمیش
حیف اولدو، او گؤزل خاطیره لر دؤندو غم اولدو
نه گؤزل فیکرو خیالیله یاشاردیق
گله جک گونلریمیزدن سؤز آچاندا
بوروشوردوک گولیله ، چایلا ، چمنله
آرزولارلا قاریشاردیق ، ساواشاردیق ، باریشاردیق
نه گؤزل دیر بیری نین کؤنلونو آلماق
قولونو سئوگیلینین بوینونا سالماق
سارماشیقلار کیمی شوقیله ساریشماق نه گؤزل دیر
هردن هردن اوتوروب فیکره دولاندا
او عزیز خاطیره لر یاده دوشرلر
گؤزو یاشلی یاغاجاق بارلی بولودلار کیمی دوللام
دییه رم هئچ گؤره سن بیر دوشه رم یادینا منده
گول آچار سنله کئچن گونلریمین یادی سینمده
شوقیدن گوللریم ایستر کی آچیلسین
آچمامیشدان ولی سوللام
نه دئییم کی منه گول وئرمه لرین یاده دوشنده ده لی اوللام
اوتوروب آغلاشارام خاطیره لر له
نئیله مک سن بئله سئودین
منده سن سیز یاشارام خاطیره لرله
من دئییردیم کی محبت گولونون رنگی سولانماز
نه بیلیردیم کی سولارمیش
نه بیلیردیم کی فلک بئیله قویارمیش
منی سن سیز سنی من سیز
خسته کؤنلوم گینه سن سیز نئجه حسرتلی سیزیلدار
کاش بیلیدین بو سینیق سازدا نه لر وار
آمما سن هاردان بيلرسن
بیر مثل واردی دئیه رلر کی اورک یانسا گؤز آغلار
سنین آمما اورگین وارسادا داشداندی ، دمیردندی نه داشدان
کیم گؤروب؟ گول گویه‌ره سولموش آغاجدان
بسله میشدیم سنه بیر شانلی محبت
کؤنلومون آیناسی آمما داشا گلدی
شوشه تک پول پول اولوب دوشدو داغیلدی
باشلادی سولماغا گول‌لر
بختیمین ترلانی دا اوچدو باغیمدان
کؤچه‌ری قوشلاریله گئتدی قوتولدو
بیلمه دیم؟ هاردا دوتولدو
ائله بیر اینجه کؤنول صاحیبی آنجاق کی من ایدیم
ائله بیر قاینار اورک کی اؤزو سیندی
سنی سیندیرماق اوچون اولمادی مئیلی
سنده سئودین قالا یالقوز ـ قالا حسرتلی گیلئی لی
نه بیلیردیم؟ بئله سئومک ده اولارمیش
نه بیلیردیم ؟ کی محبت گولونون رنگی سولارمیش
نه ببیلیردیم ؟ نه بیلیردیم ؟


@};-@};-@};-


هئی گوزله میشم من سنی سن سیز بو دوراقدا
هاممی یئتیشیب سئوگیسینه منسه قیراقدا
ایندیسه هامان یئرده گولوم گوزله ییرم گل
گلمزسن اه یر هئی گه زرم سسده سوراقدا

turkqiz
11-20-2008, 17:32
عالم گوزله دونسه اگر، سنده گوزوم وار
سندن سوای عالم منه چون ، اوزگه دی ، اغیار
شعر و غزلیمده یازیلان تکجه گوزل سن
اقرار ائدیرم من بو سوزو ، گون گوزو اقرار
مندن منی آز سور کی ، اوزومدن خبریم یوخ
عشق عالمی دیر ، عشقیده عاشق ائدر ایثار
ایستک دیلکیم ، تکجه سنین ایستکین اولموش
من سنده سنم ، یوخدو سوزوم ائتمگه اظهار
اوزگیله ایشیم یوخدو منیم ، مین گوزل اولسون
سنسیزله میشم ، تکجه منیم سنده سوزوم وار
اول گون کی گوزوم دوشدو سنه ، منده سن اولدوم
بیمار ائله دی خسته باخیشلار منی ، بیمار
گر ناز ائده سن ، منده نیاز ایله دولاننام
واردیر بو نیازیمده منیم یانماغا اصرار
زولفون کیمی آشفته خیالم اولمادا غم یوخ
هیجران اودو پروانه کیمی باغریمی داغلار
عشق آتشینین ناری دوشوب کونلومه « سامع »
سونمز بو آلوو گل سن اوزون صحبتی قورتار

@};-@};-@};-

turkqiz
11-20-2008, 17:36
گوزوم آغلار عیان امما ، کونول سنسیز نهان آغلار

سیزیلدار نئی کیمی هر دم ، چکر آه و فغان آغلار

دویونجا گورمه دیم ، هئی سیزلییار آل قان اولان کونلوم

خیالین له ائدر صوحبت ، ولیکن بی زبان آغلار

کونول دیوانه لر زنجیر عشقه مبتلا اولموش

منیم احوالیمه زنجیر عشقینده ، اینان اغلار

سنین هیجرانینا کیمسه دوزر من باغری قان دوزسون؟

پوزولموش حالیمه یئر نوحه سویلر ، آسمان آغلار

منیم عشقیمده یوخ نقصان ، ائلیرسن امتحان ایله

فقط بیر آیریلیب گئتمه ، بوغوللام آمتحان آغلار

قولاق وئر نئی کیمی هر بندبندیم سیزلاییر سنسیز

کسیلدیم نئی ستانیمدن ، نئی آغلار ، نئی ستان آغلار

دئنه باد خزان ، انصافین اولسون آز خزان ایله

گوز آیدین باخ گولوستانه ، گول آغلار ، باغبان آغلار

یورولسا دیل ، قلم سوزدن ، گلر گوز صوحبته « سامع »

آچار غم سفره سین سس سیز ، بولاغ تک بی بیان آغلار

@};-@};-@};-


هر دیل کی اونون دلبر جانانسی یوخدی* بنزر او پریشان تله کی شانه سی یوخدی


یار سیز یاشاماخ دهریده ای دل نیه لازم *خاموش اولا اول شمع کی پروانه سی یوخدی


بیر مست تاپیلمیر کی بو شهر ایچره چیغیرسین* ویران اولا اول شهر که میخانه سی یوخدی

bb
11-20-2008, 21:53
فیکریندن گئجه لر یاتا بیلمیرم
بو فیکری باشیمدان آتا بیلمیرم
دئییرم چون سنه چاتا بیلمیرم
آیریلیق، آیریلیق ، آمان آیریلیق
هر بیر دردن اولار یامان آیریلیق
.........................................
ساغ اولاسان همشهری @};-

turkqiz
11-21-2008, 20:46
دوت الیمدن بو همان الدی فراقیندا سنی

یادیما سالماق همان باشا چالاردیم گئجه لر

حوسنو روخسارینی رویاده چکرد یم قلمه

قلبیمی قاب ائله ییب قابا سالارد یم گئجه لر

بونا خاطر کی آدین دوشمه یه اغیار الینه

دوز کیمی آدیوی یازدیقجا یالاردیم گئجه لر

بئله سیزلاردی اورک یادینا سالدیقجا سنی

قوش کیمی یئرده دوشردیم چاپالاردیم گئجه لر

بلکه سن ساغ یاشاییب ساغ دولانیب ساغ گزه سن

گوزلیم هر قادان اولسایدی آلاردیم گئجه لر

سن رقیبیمله گونوز سیره چیخاردین چمنه

من ده عشقینده سولاردیم سارالاردیم گئجه لر

گوزلرین یادیما دوشدوکجه اسردی بدنیم

سینه می دیرناق آتاردیم پارالاردیم گئجه لر

تابلو اوستونده چکردیم سنی مین زحمتی لن

بیر باخیب اوستونه تئز رنگی جالاردیم گئجه لر

مکتب عشقیده مجنونیله من با هم ایدیک

غم ییغاردیم سینه مه غصه قالایاردیم گئجه لر

مجنون اوز عشقینی لیلا یه گوره بیلدیردی

من گونوز یازدیقیم عشقی قارالاردیم گئجه لر

"هوشنگ جعفری"

@};-

turkqiz
11-21-2008, 20:50
عطرین سنین گول اوزلو گولوم گولدن المیشام

بولبول کیمی چمنلری بیر بیر دولانمیشام

بیر بولبولم سینیب قانادیم طعنه وورمایین

گول یوخدو بیر تیکان کولونا دالدالانمیشام

گولشندن ایری سالدی منی بیر جفا لی یئل

چالدیقچا داغ داشا ازیلیب اووخالانمیشام

عشقیمده صادیقم گنه پروانه لر کیمی

بو صبح اولونجا شمع یانیب من ده یانمیشام

می کاسه سینده عکسیوی گوردوم دوشوب دئدیم

اللاه گورن یوخو گورورم یا اویانمیشام

بیر لحظه من ده می کیمی گیردیم پیاله یه

چون ایسته دیم دوتام سنی گوردوم جالانمیشام

"هوشنگ جعفری"

turkqiz
11-21-2008, 20:55
قالماز بوقاپی باغلی وار هر گئجه نین صبحو
دیلبر بئله هیچ قالماز دلدار اولاجاق بیرگون
اغیاریمی جانانیم اوخشارسا بوگؤن البت
بو سؤگیلی گؤزلرده اوخار اولاجاق بیرگون
من کافری عشق اولدوم بیلدیم کی بو داستاندان
بوینومدا اونون زولفو زنار اولاجاق بیرگؤن

----------------------------------------

یاشا وطنداش یاشا@};-

turkqiz
11-23-2008, 13:30
فرياده گلين نازلي نیگاريم گئدير الده ن
همد م اولوب اغياريله ياريم گئدير الده ن
رفتاري گوزل نوطقي گوزل باخماسي گويچک
آهو کيمي باخديقجا قراريم گئدير الده ن
حسرتله قالار گوزلريم آخير دالئسيجا
هجران يئلي اسديکجه باهاريم گئدير الده ن
ناز ايله سه نازين چه که ره م ئول ديسه ئوللم
يوخ چاره يولوم شعر و شعاريم گئدير الده ن
آواره قالان من غمی عشقينده يانان من
آخير نه دئییم دار و نه داريم گئدير الده ن
زلفين توکوب اطرافه گيوب جامه ي زرين
آماده اولوب گئتمگه ياريم گئدير الده ن

سوز"هوشنگ جعفری"

turkqiz
11-23-2008, 13:33
سارام تک آرزیلار غرق اولدو سئلده
قیر آت قویلاندی قالدی چنلی بئلده
هر کاش بیر آغ آت خلق ائیله یه ایدی
آغ آتلار کیشنه شه ایدی آذر ائلده

****
قولاغا گلدی بیر سس چوخ اوزاقدان
منی فریاده سسلیرمیش نه واقدان
هراسان گئتدیم آمما من گئدینجه
یازیق بولبول آسیلمیشدی بوداقدان

****
بورا عنقا قوشو سای سالدی گئتدی
منه بیر شهپرین پای سالدی گئتدی
اوقدری آغلادیم یاش توکدوم آنجاق
دالیجا گوز یاشیم چای سالدی گئتدی

****
دیلیم یالقیز دیلیم یالقیز دیر آی قیز
اوغول شیرین ولی بال قیز دیر آی قیز
آماندیر یه لیک اول تورکون دیلیندن
اوکی اصلین دانار کال قیز دیر آی قیز

****
یئنه حسرت قالا سین غم لر آلدی
یانقلار غصه دن سولدو سارالدی
فلک لر دوش به دوش دوشدوک دویوشدوک
نیسمی نسلینه دونیا دارالدی

****
اوره ک سینه مده اوت دوتدو آلیشدی
بالیق تک سینه ده قلبیم چالیشدی
اوزون ساکت دایانمیشدین باخیردین
گوزون من لن بیر عالم سوز دانیشدی

سوز "هوشنگ جعفری"

turkqiz
11-24-2008, 17:54
ای خوش اود مست، کی بیلمز غمی-عالَم نه ایمیش

نه چکر عالم اوچون غم، نه بیلر غم نه ایمیش

بیر پری سیلسیله‌یی-عشقینه دوشدوم ناگه

شیمدی بیلدیم سببی-خیلقت-آدم نه ایمیش

واعظ اوصافی-جهنم قلیر، ای اهل ورع

وار اونون مجلسینه، بیل کی جهنم نه ایمیش

اوخو کؤکسومده ئوتوپ، قالمیش ایمیش پئیکانی

آه بیلیدیم سببی-آهی-دمادم نه ایمیش

ایفضـولـیمـزه‌یی-ساقی و صهبــابیلـدیـن

توبه قیل تا بیله‌سن، زَرق و ریا هم نه ایمیش

..............................................................
خرم آن‌کس که نداند غم عالم چه بود
غم دنیا نشناسد، نه که خود غم چه بود
ناگهان بنده ی زنجیر نگاری شده‌ام
حال دانم سبب خلقت آدم چه بود
گفت واعظ همه اوصاف جهنم، زاهد
باش در مجلس او، بین که جهنم چه بود
تیر بر دل بزد و مانده بجا پیکانش
آه، دانم سبب آه دمادم چه بود
ای فضولی مزه باده ساقی دانی
چو کنی توبه بدانی که ریا هم چه بود

turkqiz
11-27-2008, 16:45
دئسم دونیا قدر سئویرم سنی ، اینانما
دئسم سما قدر سئویرم سنی ، اینانما
دئسم سئللر قدر سئویرم سنی ، اینانما
دئسم گوللر قدر سئویرم سنی ، اینانما .

بعضا دیل یانیلار ، دیل چاشا بیلر
اورکدن سورغوسوز دانیشا بیلر
گلمز نه حئسابا ، نه سایا سئوگیم
سیغیشماز بو گئنیش دونیایا سئوگیم .

دونیایا سیغمایان بو سئوگیم کی وار
منیم اوره ییمده یاشایار ، قالار
اوره ییمده چاتار ابدییه ته
اینان بو سئوگی یه بو محبته ...

turkqiz
11-29-2008, 14:33
بيلديم كی بو نازيندان بير لحظه دايانمازسان
كونلومده اولان درده هرگيز سن اينانمازسان
معناسی نه دير دوشسم تورپاغينا ذيلت له؟
اؤپسم ده آياغيندان بير حاليمه يانمازسان
سوز وئرميشدين كامه آمما بو نه تئزليكله
بير عومور گئچيب گئتدی اؤز وعده نی دانمازسان
مٍن اؤلمه لی اولسامدا، باری سن اؤزون اولدور
لاكين بيليرم لطفون ، قانيما بولانمازسان
خاقانی نين هرده ن بير دؤيدون قاپی سين گؤردون
قان منزلينی باسميش،قاچدين داها آنمازسان
خاقانی اؤز عشقينده ثابيت قدم اول جان قوی
باش گئتمه سه بو يولدا وصلينی قازانمازسان

A V A T
11-29-2008, 14:36
لطفا معنیشو به فارسی هم بزارید :d
البته اگه زحمت نشه @};-

turkqiz
11-29-2008, 16:28
میدونم که حتی یه لحظه دست از ناز کردن بر نمیداری
میدونم که هیچ وقت به درد دلم باوری نداری
چه معنایی میتونه بده ؟که من با ذلت خواری به پات بیفتم
میدونم حتی اگه از پات هم ببوسم دلت به حال زارم نمیسوزه
تو به من قول وصال داده بودی اما نه به این زودی
میدونم اگه عمرم بگذره و بره تو وعده ی خودت رو از یاد نمیبری
اگه قراره مرگم فرا برسه چه خوبه به دست تو باشه
اما تو در حق من لطف داری و هیچ وقت دستت به خون من اغشته نمیشه
گاهی اوقات در خونه ی خاقانی رو زدی و دیدی
خون منزلش رو گرفته فرار کردی و رفتی و دیگه نفهمیدی
خاقانی در راه عشقت ثابت قدم باش و در این راه جانت رو نثار کن
سرت رو اگه در این راه از تنت جدا نکنن به معشوقت نمیرسی

..........................
دوست عزیز امیدوارم تونسته باشم معنی رو برسونم ..
من معتقدم این اشعار برای ما که زبون مادریمون ترکی است خیلی دلنشینه وقتی به فارسی برگردونده میشه دلنشینی اولیه رو نداره

turkqiz
11-29-2008, 20:04
این شعر رو وقتی خوندم حیفم اومد این جا ننویسم ..

داستان غم انگیزی داره .راستش اول باورم نمیشد این قضیه حقیقت داشته باشه اما وقتی نامزدم گفت این زن رو از نزدیک دیده باورم شد .در زمان های نه چندان دور یه پسر اردبیلی توی قزوین سرباز بوده و در محلی که خدمت میکرده یه دختر به نام "سوری"عاشق این پسر میشه اما این پسر با این دختر ازدواج نمیکنه ".سوری "به دنبال اون پسر به اردبیل میره و هر صبح جلوی در خونه ی پسر منتظر میمونه و اونو میبینه .اون پسر ازدواج کرده و زن و بچه داره اما "سوری " باز هم به دیدنش میاد ..
این زن الان هم در اردبیله .پیر شده مردم شهر براش جا و مکان تهیه کردن.. و عاصم اردبیلی هم شعر زیبای رو در حق این زن سروده ..

نامزدم میگه خونواده ی "سوری" بارها اومدن دنبالش و اونو بردن اما باز برگشته چون " سوری "بیشتر از اون چیزی که عقل ما یاری کنه عاشق بوده ..

فلكين قانلي اليندن بير آتيلميش يئره اندي،
بير فلاكت آنانين جان شيره‌سيندن سودون امدي،
بوللو نيسگيل شله‌سين چيگنينه آلدي.
تاي توشوندان دالي قالدي،
ساري گول مثلي سارالدي،
گونو تك باغري قارالدي،
درد اليندن زارا گلدي،
گونو گوندن قارا گلدي.
خان چوبانسيز سئله تاپشيرسين اوزون،
يوردوموزا بير سارا گلدي.
بير وفاسيز يار اليندن يارا گلمز سانا گلدي.
بير يازيق قيز، جان اليندن جانا گلمز جانا گلدي.
كئچه‌جكده “الموت” دامنه‌سيندن بورايا درمانا گلدي.
بير آدامسيز “سوري” آدلي،
الي باغلي، ديلي باغلي!
“سوري” كيم‌دير؟
سوري بير گولدو جهنمده بيتيبدير.
سوري بير دامجي‌دي گؤزدن آخاراق اوزده ايتيبدير.
سوري يول-يولچو سودور،
اَيري‌ده يوخ، دوزده ايتيبدير.
سوري، بير مرثيه‌دير اوخشاياراق سؤزده ايتيبدير.
او كؤنول‌لرده كي ايتميش‌دي ازلدن،
اودو گؤزدن‌ده ايتيبدير.
سوري بير گؤزلري باغلي،
اوزو داغلي، سؤزو داغلي،
اولوب هاردان هارا باغلي!
بوشلاييب دوغما ديارين،
اوموب البته ياريندان.
ال اوزوب هر نه واريندان.
قورخماييب، شهريميزين قيشدا آمانسيز بورانيندان،
نه قاريندان
گزير آواره تاپا،
يانديريجي دردينه چاره، تاپا بيلمير.
چوخ سئوير عشقي باشيندان آتا،
آمما آتا بيلمير.
آووا باخ، آووچي دالينجا قاچير،
آمما چاتا بيلمير.
ايش دؤنوب،
ليلي دوشوب چؤللره مجنون سوراغيندا.
شيرين الده تئشه،
داغ پارچالايير فرهاد اوتورموش اوتاغيندا.
تشنه لب قونچه گؤر جان وئري دريا قيراغيندا.
گؤزده حسرت يئريني خوشله‌ييب ابهام دوداغيندا.
وارليغين سون اثري آز قالير ايتسين ياناغيندا.
سانكي بير كؤزدي بورونموش كوله وارليق اوجاغيندا.
كؤزه‌رير پيلته كيمين ياغ توكه‌نيب‌دير چيراغيندا.
بوي آتير رنج باغيندا،
قوجالير گنج چاغيندا،
بير آدامسيز،
سوري آدلي،
الي باغلي،
ديلي باغلي!
سوري جان! اومما فلكدن،
فلكين يوخدو وفاسي،
نه قده‌ر يوخدو وفاسي،
او قده‌ر چوخدو جفاسي،
كؤهنه رقاصه كيمين،
هر كسه بير جوردي اداسي،
او آياقدان دوشه‌ني،
ايستير آياقدان سالان اولسون.
او تالانميش‌لاري ايستير گونو-گوندن تالان اولسون.
او آتيلميشلاري ايستير هاميدان چوخ آتان اولسون.
او ساتيلميشلاري ايستير، قول ائدركن ساتان اولسون.
نئيله‌مك قورقو بوجوردور،
فلكين نظمي ازلدن اولوب اضدادينه باغلي،
قاراسيز آغلار اولانماز،
دره‌سيز داغلار اولانماز،
اؤلوسوز ساغلار اولانماز.
گره‌ك هر بير گؤزه‌له، بير دانا چيركين‌ده يارانسين،
بيري اَنسين يئره گؤيدن،
بيري عرشه اوجالانسين.
بيري چالسين ال-آياق غم دنيزينده،
بيري ساحلده سئوينج ايله دايانسين.
بيري ذلت پالازين باشه چكيب ياتسادا آنجاق،
بيري‌نين بختي اويانسين.
بيري قويلانسادا نعمت‌لره يئرسيز،
بيري‌ده قانه بويانسين.
آي آدامسيز سوري آدلي،
ساچلاريندان دارا باغلي!
نئيله‌مك ايش بئله گلميش.
چور گلنده گوله گلميش.
فلكين اَيري كمانيندا اولان اوخ،
آتيلاندا دوزه دگميش،
ديلسيزين باغريني دَلميش،
اَيري قالميش،
دوزو اگميش.
اونو خوشلار بو فلك،
ائل ساراسين سئللر آپارسين،
بولبول حسرت چكه‌رك،
گول ثمرين يئللر آپارسين.
قيسي چؤللرده قويوب،
ليلي‌ني محمللر آپارسين.
خسرووي شيرين ايلن ال-اله وئرسين،
فرهادين قامتين اگسين.
باخاراق چرخ زامان نئشه‌يه گلسين.
كئفه دولسون،
سوري‌لار سولسادا سولسون،
بيري باش يولسادا يولسون،
سيسقا بير اولدوز اگر اولماسا اولدوزلار ايچينده،
بو سما ظولمته باتماز.
داش آتان، كول باشي قويموش،
داشيني اؤزگه‌يه آتماز.
سن يئتيش سون هدفه،
اوندا فلك مقصده چاتماز،
داها افسانه ياراتماز.
سوري، اي باشي بلالي،
زامانين قانلي غزالي!
سوري بير قوش‌دي خزان آيري ساليبدير يوواسيندان،
ال اوزوبدور آتاسيندان،
جوجه‌دير حيف اولا سود گؤرمه‌ييب اصلا آناسيندان.
او زليخا كيمي يوسف اييين آلمير لباسيندان.
بونا قانع‌دي تنفس ائله‌يير، يار هاواسيندان.
درد وئره‌ن درده ساليب آمما خبر يوح داواسيندان،
آغلاييب سيتقاياراق بهره آپارمير دوعاسيندان.
او بير آئينه‌دي رسّام چكيب اوستونه زنگار،
اوندا يوخ قدرت گفتار،
اوزو چركين، ديلي بيمار،
گنج وقتينده دل‌آزار،
گؤره‌سن كيم‌دي خطاكار!
گؤره‌سن كيم‌دي خطاكار!
اردبيل 10/6/1365
عاصم اردبيلي

turkqiz
12-03-2008, 21:13
شفای وصل قدرین ، هجردن بیمار اولاندان سور
زلال ذوق شوقون ، تشنه دیدار اولاندان سور
لبین سرین گلیب گفتاره ، من دن اؤزگه دن سورما
بو پنهان نکته نی بیر واقف اسرار اولاندان سور
گؤزو یاشلی لارین حالین ، نه بیلسین مردم غافل ؟
کواکب سرینی ، شب تا سحر بیدار اولاندان سور
خبرسیز اولما فتان گؤزلرین قیدین چکن لردن
خبرسیز مست لر بیدادینی ، هشیار اولاندان سور
غمین دن شمع تک یاندیم ، صبادان سورما احوالیم
بو احوالی شب هجران ، منیم له یار اولاندان سور
خراب جام عشقم ، نرگس مستین بیلیر حالیم
خرابات اهلینین احوالینی ، خمار اولاندان سور
محبت لذتین دن بی خبر دیر زاهد غافل
فضولی ، عشق ذوقون ، ذوق عشقی وار اولان دان سور
.............................................................................

قدر شفای وصل را ، از کسی که هجر بیمارش کرده بپرس
زلال ذوق و شوق را ، از تشنه دیدار بپرس
سر لبت را به سخن آمده ، از من و غیر نپرس
این نکته پنهان را از واقف اسرار بپرس
مردم غافل از حال چشمان گریان چه می داند ؟
اسرار کواکب را از شب زنده داران بپرس
از کسانی که از قید چشمان فتنه گر رها شدند بی خبر نمان
بیداد مستهای بیخبر را از هشیاران بپرس
از غمت مانند شمع سوختم از صبا حالم را نپرس
احوال این شب هجران را ، از کسی که یارم شده بپرس
خراب جام عشقم ، نرگس مستت حالم را می داند
احوال خراباتیان را از خمار بپرس
زاهد غافل از لذت محبت بی خبر است
فضولی ذوق عشق را از کسی که ذوق عشق دارد بپرس

turkqiz
12-08-2008, 19:20
محتسب مستی گوروب یولدا یاپشدی یاخاسین
مست اونا سویلدی بوشلا یاخام افسار دگل
می ایچوبسن دیدی لازمدی که تنبیه اولاسان
دیدی مستم منه تنبیه ایله دشوار دگل
دیدی لایعقل اولوب صاق صولا لنگر ورورسان
دیدی من دوز گیدورم یول منه هموار دگل
دیدی لازمدی که گورسون سنی تا قاضی شهر
گیت سحر گل دیدی قاضی گئجه بیدار دگل
دیدی قاضی ده اگر یاتسا اویاقدور والی
نه بیلورسن دیدی قاضی ئوزی خمار دگل
آپاروم گل دیدی یات صبحه کیمی مسجدده
دیدی آللهون ایوی مسکن بدکار دگل
نچه دینار دیدی ویر منه گزلنجه قوتار
حکم شرعون دیدی سرپوشی که دینار دگل
دیدی دینار یوخوندور چخادیم کوینگوی
کهنه کوینک دیدی شایسته ی سرکار دگل
بی خبرسن دیدی بورکونده دوشوب باشوندن
عقل سیز باشدا دیدی اولمسا بورک عار دگل
دیدی اولما چوخ ایچوبسن ایتروبسن ئوزوی
دیدی بیهوده دیمه سوز کم و بسیار دگل
دیدی هشیار گرک مسته ورا حد گناه
دیدی می شهریدی بوردا بیری هوشیار دگل

turkqiz
12-09-2008, 17:35
گلمیسن جانیم سنه قوربان اولا ایندی نییه؟

دوشموشم الدن داها، ای بی‌وفا، ایندی نییه؟

نوشدارو سن، فقط سُهراب اؤلوب، گئج گلمیسن!

ائیله ‌مز تأثیر اونا هئچ بیر دوا، ایندی نییه؟

ممکن اولسا، مرحمت قیل، عؤمرلرده یوخ وفا!

بخش ائدن مهمانینا ذوق و صفا، ایندی نییه؟

من جاوان کن ذوق آلیردیم، نازنینیم، ظولمدن،

ائیله‌ییرسن سؤیله بس جور و جفا، ایندی نییه؟

بیر شیرین صحبت اوچون اگدیم اؤنونده قدّیمی!

زهرتک وئردین جاواب فرهادینا، ایندی نییه؟

ای قارا هیجران، الیندن بیرجه‌دم گؤز یوممادیم!

بختیمی سن توتموسان بولای ـ لایا، ایندی نییه؟

آسمان قیلدی پریشان، حالیمی زار ائیله‌دی

چولقاییب‌دیر عؤمرومو مین بیر بلا، ایندی نییه؟

سن‌کی گول هیجرینده، طبعیم، لال کیمی خاموش ایدین،

سالمیسان بولبول کیمی شور و نوا، ایندی نییه؟

سن حبیب‌سیز "شهریار"یم، گئتمزایدین هئچ یانا،

سون سفردیر، تک چیخیبسان سون یولا، ایندی نییه

turkqiz
12-13-2008, 21:11
فرياده گلين نازلي نیگاريم گئدير الده ن
همد م اولوب اغياريله ياريم گئدير الده ن

رفتاري گوزل نوطقي گوزل باخماسي گويچک
آهو کيمي باخديقجا قراريم گئدير الده ن

حسرتله قالار گوزلريم آخير دالئسيجا
هجران يئلي اسديکجه باهاريم گئدير الده ن

ناز ايله سه نازين چه که ره م ئول ديسه اؤللم
يوخ چاره يولوم شعر و شعاريم گئدير الده ن

آواره قالان من غمی عشقينده يانان من
آخير نه دئییم دار و نه داريم گئدير الده ن

زلفين توکوب اطرافه گيوب جامه ي زرين
آماده اولوب گئتمگه ياريم گئدير الده ن

turkqiz
12-15-2008, 13:12
ائی منئ سرمست و مدهوش ائییله ین پیمانه سیز
سَپمیسیز جانا مگر رخساریزه پیمانه سیز
بیر نیگاه ایله منئ ائی لیلی، مجنون ائیله ین
شوکر آللاه قالمادئ بو مملکت دیوانه سیز
آتش هیجریله یاندیرماقلیق آساندور منئ
واردئ خوفیم کیم قالا شمع رُخین پروانه سیز
اره جوریله قیلما شرحه شرحه گؤیلومو
قیل یقین قالماز نیگاریم قاره زولفون شانه سیز
بیر مثل واردور دئیرلر گنج اولور ویرانه ده
بیلمه رن جانا مگر چوخ گنج اولور ویرانه سیز
حُسن و زولف و ابروی و خط و خالین سنین
هر بیری جان قصدینه بیر تور قورموش دانه سیز
کافر عشق ائتیدیز آخرده عجب اقبالینئ
هر قدر اصرار قیلدیم گلمه دیز ایمانه سیز

باقر حری زنگانلی

turkqiz
12-15-2008, 13:13
انسانیده بیر صبر و قرار اولماسا اولماز
هر ایشده بلئ شیوه ی کار اولماسا اولماز
مخصوصا هر اول ایش کئ اولا عشقیله توام
اول ایشده تحمل نه کئ وار اولماسا اولماز
چوخلار دئییر آدیم قالا مجنون کیمئ زنده
حُسن رخ لئیلایه دوچار اولماسا اولماز
چوخ کیمسه خراباتئ چوخ ایستیر گئده بیلمَز
درویش صفتخانه بئزار اولماسا اولماز
هر بی سر و پا قویما بیله ممَز آدین عاشیق
باشدا سر و سودای نگار اولماسا اولماز
بیر عشقیله بیر یاریله بو ایش باشا گلمَز
عاشیق دئدیگین دَهریده خوار اولماسا اولماز
عُشاق گَرک صبر ائیلییه جور و جفایه
دونیا گؤزونه تیره و تار اولماسا اولماز
گولزاریده بیر خار گؤروب ناله قیلیرسان
گول غنچه سئ نین یولداشئ خوار اولماسا اولماز
اغیاریله یارئ گؤرَسن گلمه نوایه
پیغمبریله همره غار اولماسا اولماز
اقبالئ آدین قویما، قویوبسان ایله کوشش
باشین قدم یاره نثار اولماسا اولماز

باقر حری زنگانلی

turkqiz
12-15-2008, 13:22
الا ساقی دولان گزدیرقدح ایچدیر می نابی
كی عشقین اولی آسان، چتینلیك اولدیسونراسی
عطریلی قوریلان تئل دن اوه کلر ایچره گوزن قانی
منیم جانان ایوینده هانسی امن وعیشه اومیدیم
كی قیشقیرماقدادیرزنگلر، چاتین یوكلرله كروانی
بویا سجاده نی می له ، دیسه پیر مغان هر گاه
کی سالک دیر ، بیلیر البت طریق و رسم یولاری
ئوزوم سئومکدن اخیردا آدیم گور نه پیسه چیخدی
کی گیزلین ساخلاماق اولماز ، یاییلسین بونجا اسراری
قارانلیق بیر گئجه ، دهشتلی دالغا ،یورلوغان قورخونج
نه بیلسین بیز لرین درد و غمین ساحل آداملاری
چاتیشماخ ایسته سن حافظ ئوزون گیزلتمه جاناندان
اونو گورمک دیلرسن سه ، یاپیشما بونجا دونیانی

turkqiz
12-15-2008, 13:26
قورخـما! بو ماوی گؤی آلتیندا یانان آل گونشین

و اوفوق­لرده گوله ن آل شفقین سؤنمه یه­ جک

ایلک باهارین آچاجاق گول

اوته جک بولبول­لر

دونیامیز بیر ده بو عالم­ده خزان گؤرمه یه ­جک

دونیا دوردوقجا سهندˊین اوجا بورجوندا یانان

اول گؤموش رنگلی آی، یول­لاری آیدینلاداجاق

آخاجاق نهر­لرین

هم آچاجاق لاله­لرین

بیر ده ائولرده اینان سؤنمه یه ­جک اود و اوجاق

ائی منیم شانلی ائلیم

حور وطنیم

آل گونشیم

آی قادین­لار

آنالار

بیر ده آچین پنجره ­نی

صوبح آچیلماقدادی

صوبحون یئلی داغ­لاردان اسیر

حبیب ساهیر

turkqiz
12-15-2008, 13:28
گونشدن قوووروب٬ سورونوب يئرده
ياري چوروموشم، ياري يانميشام
خيال ايسه آليب سيرمالي پرده
تدريجي اؤلومو حيات سانميشام

گلين آ دوستلار، طيليسمي قيرين
بوگون اؤلمزسم ده ، اؤلوره م يارين
آه … يئتر چورومك ، مني يانديرين
كولومو سووورون چؤكه ركن آخشام

نه دورو سولارا٬ نه ده سئللره
سووورون كولومو٬ وئرين يئللره
سون باهاردا قوشون ساري گوللره

كولومو سووورون، سوووورون گئتسين
هر بير ذرره سي اود، گونشه يئتسين
قارا گونلرين دستاني بيتسين
يوخومدو ابدي حياتا اينام

باسديرمايين مني تورپاغا٬ دوستلار
بو قارا تورپاقدان دا مگر نه چيخار؟
ايستمم تورپاغيم گولله نسين باهار
باهارلا شنله نمز غملي سرانجام

مني بو دونيادا اولورسا سئوين
سورخاب داغلارينا اولورسا گئدين
گئجه ياريلاري يانديرين گون
من قيزيل آلووون ايچينده وارام

توي ـ دويون اولورسا آذر ائلينده
ايسترم ياشايام ائللر قلبينده
شئعريم ازبر اولسون خالقين ديلينده
ايسترم خاطيره ده ابدي قالام

حبيب ساهر

turkqiz
12-25-2008, 17:51
دئدیم : ای غنچه دهن ، گؤنلومی قان ائیله میسن !
دئدی : بیجا یئره عشقـیمده فغــان ائله میسن !
دئدیم : انصـاف ائله ، اینجیتمه منی ، عاشیقــینم
دئدی : گئت ! سرریمی دونیاله عیان ائیله میسن.
دئدیم : آغلاتــما منی ، سرو بویــون شوقـــینده ،
دئدی : گـوز یــاشینی بیهــوده روان ائیله میسن!
دئدیم : آز چکمه میشم ، گؤزلــرینین حســرتینی،
دئدی : اؤز گؤنلونی یئرسیز نیگــران ائیله میسن !
دئدیم : عشقـینده اسیــرم ، منه بس خئیری نده؟
دئدی : اَوولــده بو ســوداده زیــان ائیله میسن !
دئدیم : عشق آتشــی نئیلر منه ؟ قورخان دگیلم!
دئدی : بیچاره یـانـارسان ، نه گمان ائیله میسن؟
دئدیم : ای گول ! من ازلـدنده گؤزه ل عاشقــیم
دئدی : سن روحینی عشق ایله جوان ائیله میسن!
دئدیم : هرگون سر کویینده دولانماقدور ایشبم ،
دئدی : واحد ، نه گؤزه‏ل یئرده مکان ائیله میسن!

turkqiz
12-25-2008, 17:52
بيز واريق وارسا وطن وارايسه دوغما ديليميز
اؤيره نيب بيلمه ليدير اؤز ديليني ائللريميز
آنا تک جاندان عزيزدير آنا تورپاق آنا ديل
حورمتين ساخلا ياشارکن آنالار قدريني بيل
وطنين کيمليگيدير وارليغينين داش تملي
کيمليگين بايراغيدير هر بالانين دوغما ديلي
آنا ديلدير بزه ين دويغولارين اويلاغيني
سوسله ين آرزيلاري سئوگي سئوينجين باغيني
بولبول اؤز دوغما ديليله گوله سويلر سؤزونو
هر گول اؤز رايحه سيله تانيدار اؤز اؤزونو
آنا ديلدير داشييان لايلالارين جان داديني
آنا ديلدير ياشادان ائولادينين اؤز آديني
آنا ديلدير ائلينين تاريخي آيدين تانيغي
يوردونون اؤلکه سينين آيناسي سؤنمز چراغي
آنا ديلده آنانين سئوگيسي عطري دادي وار
آنا ديلده وطنين شانلي شرفلي آدي وار

k67m
08-02-2010, 11:15
[Only registered and activated users can see links]

معاصر آذربایجان ادبیاتیندا غزل استادلاریندان کی جهانشمول شهرت تاپیپ علی آقا اسکندروف دیرکی ، علی آقا واحد شهرت تاپمیشدیر.

او، 1895 نجی میلادی ایلده باکی نین یاخینلیغندا ماساچیر کندیده آنادان الدو. بوی باشا جاتاندا سونرا مکتبه یولاندی ، بیر نئچه ایلدن سونرا مکتبدن ال چکیب بقال لیق و خراط لیق ایشینه باخدی .

بوزمان باکی دانشر اولان مطبوعاتی ده ریندن مطالعه ائتدی و بو مطالعه نین اثرینده شعر یازماغا باشلادی ، و بویوک شاعر ” عبدالخالق یوسف “ ین بو رابطه ده شاگردی اولدو .

عبدالخالق یوسفین ائوینده ادبی شعر مجلسی قورولدو او مجلسده گور کملی ادیب لر ، اقتدارلی شاعرلر اشتراک ائدیرریلر کی او جمله دن :

عبدالخالق ، مشهدی آذر ، آقا داداش منیری، صمد منصوری گوسترمک اولار. گنج شاعر علی آقا واحد ده بو ادبی مجلسده حاضر اولوب و بهره له نیردی و واحد تخلصین ده بو مجلسده دئدیگیمیز شاعرلر اونا وئرمیشلر .

او همیشه آرزو ائدیردی کی اوستاد شهریارلا تبریزده گوروش ائله سین حییف کی 1965 نجی ایلده دنیادان همیشه گوز یومدو .

کونلوم سنه وابسته دیر ائی شوخ ، بیر ایل دیر

نه اولدورور عشقین منی آخر ، نه دیریلدیر

عاشقلرینی قصدین اگر محو ائله مکسه

من حاضرم ، اول منه مقصودینی بیلدیر

مئیلیم سنه دیر ، بیر سنه عالمده اسیرم

ایستر ایسه ن آزاد ائله ، ایسترایسه ن اولدور

کج باخما ، بوتون خلق دگر بیر بیره ، ظالم

زولفون گرهین آچماکی ، غارتگر دیل دیر

مبهوت ائله ییب عالمی آیینه روییون

نه شکل شمایل دی ، بو نه حسن جمیل دیر

رخسارینه اول خال سیه دیر دوزولموش؟

یا برگ گول اوسته سپیلوب دانه هل دیر

واحد دئمه کیم ، یارایله شیریندی مئی ایچمک

زهر اولسون او عشرت کی ، حکیمانه دگیل دیر .


از همه جای این دنیای مجازی

bb
08-17-2010, 12:35
اشعاري از شاه اسماعيل صفوي(خطايي)




عاشيقون عاقله داييم سؤزي ديوانه گلور
عاشيقون داييم اونونچون سؤزي بيگانه گلور
ساتما رايگان صنم، خضره دوداقون سويوني
((خضر)) اگر سو ايسته يه، چشمه­ي حيوانه گلور
اسريميش خون دليمدن صنمون خوني گؤزي
گر سن اينانمازسان گؤركي، نه مستانه گلور؟
گاه وبيگه توبه وئرر منه شهرين واعظي
واعظين توبه سي شاها منه افسانه گلور
آشنادور "خطائي" سؤزي اينان! بيله نه
سؤزوني بيلمه يه نه دئمه كي، بيگانه گلور.

bb
08-17-2010, 12:36
آشيق مجنون( دكتر اكبر بزرگ امين)
گلسين
گؤتور سازي آشيق دوستوم
وور مضرابي تئله گلسين
اوره گينده جوشان نغمه
گاه بمه گاه زيله گلسين
شيرين نغمه اوجالاندا
غم كدردن اؤج آلاندا
باهار قيشدان باج آلاندا
قاز اويناييب گؤله گلسين
چال سازيني هاي سال آشيق
يوردوموزا وئر ياراشيق
اؤلكه ميزدن كؤچن ايشيق
هوسيندن ائله گلسين
جنون سؤز آچ كوراوغلودان
پاشالارا اوددوردو قان
ائل ائشيتسين بئله داستان
اؤلكه بوتون ديله گلسين.

bb
10-28-2010, 20:29
رسول اکبری - رعنا زینالی

زریم زیبام خیاطیم
حزین لایلام بایاتیم
الینده دیر حیاتیم
گل بو یولدا یاریشاق
ائله کوس کی باریشاق
من شیرین لهجه لی بیر بلبلم کی
گول لردن کوسه رم سندن کوسمه رم
منی اؤز جانیندان آرتیق ایسته ین
ائل لردن کوسه رم سندن کوسمه رم
قونوم طالع کؤشکونه
امیدیم یوخ بئش گونه
مجنون اولوم عشقینه
دره کوچک داغ آشاق
ائله کوس کی باریشاق
گؤزلرین مثال دیر آخان چای لارا
کیپریکین اوخلاردان قاشین یایلاردان
قارشیمیزا گلن اوزون آیلاردان
ایل لردن کوسه رم سندن کوسمه رم
هر اسن کولک اولماز
هر یئتن ملک اولماز
کدرسیز اورک اولماز
درده غمه آلیشاق
ائله کوس کی باریشاق
ائل ایچینده دیرلر بیزه سایادلی
ترلان اووچوسویام روحوم قانادلی
ایلهام پری سینین آشدیغی دادلی
دیل لردن کوسه رم سندن کوسمه رم
او کیپریک دی قاش دئییل
سئون اورک داش دئییل
یاشین همان یاش دئییل
کوشنده ده آیریشاق
ائله کوس کی باریشاق